နိုင်ငံ့လက်ရွေးစင်အသင်းဖော် မက်ဆီ ဆီကနေ လေ့လာသင်ယူမူတွေ လုပ်ဆောင်တယ်လို့ ချဲလ်ဆီးကွင်းလယ်လူ ဖာနန်ဒက်ဇ်ကပြောပါတယ်။

ဖာနန်ဒက်ဇ်ဟာ ပြီးခဲ့တဲ့ ၂၀၂၂ ကမ္ဘာ့ဖလားမှာ အသင်းခေါင်းဆောင် မက်ဆီနဲ့အတူ တွဲဖက်ကစားခဲ့ပြီး ကမ္ဘာ့ချန်ပီယံဆုဖလားရယူနိုင်ခဲ့တာပါ။ မက်ဆီဟာ ခမ်းနားကြီးကျယ်တဲ့သူဖြစ်လို့  သူ့ဆီကနေ လေ့လာသင်ယူမှုတွေ အမြဲတမ်း လုပ် ဆောင်ကြောင်း၊ မက်ဆီ ဆီကနေ ချစ်ခြင်းမေတ္တာနဲ့ အားပေးကူညီမှုတွေလည်းရရှိကြောင်း ဖာနန်ဒက်ဇ်က ပြောပါတယ်။ ဖာနန်ဒက်ဇ်ဟာ အသင်းဟောင်းဘင်ဖီကာ မှာရှိစဉ်က အခုနှစ်ချန်ပီယံလိဂ်အုပ်စုအဆင့်မှာ မက်ဆီနဲ့ ရင်ဆိုင်ခဲ့ရဖူးပါတယ်။ မက်ဆီဟာ မာန်မာနမရှိဘဲ အလွန်နှိမ့်ချ တတ်သူဖြစ်သလို ပြင်းပြင်းထန်ထန် ကြိုးစားသူလည်းဖြစ်ကြောင်း၊ ဒါတွေကြောင့် ဘောလုံးလောက က ဘယ်အရာတွေနဲ့မဆို ထိုက်တန်မှုရှိကြောင်း ဖာနန်ဒက်ဇ်က ပြောသွားပါတယ်။