တူရကီနိုင်ငံတောင်ပိုင်းမှာ ဖေဖော်ဝါရီ ၆ ရက်က အင်အားပြင်းငလျင်တွေလှုပ်ပြီးတည်းက ကျန်ခဲ့တဲ့လဝက်အတွင်း မြေပြင်တုန်ခါမှုပေါင်း ၇၂၄၂ ကြိမ် လှုပ်ခတ်ခဲ့တယ်လို့ တူရကီ ကပ်ဘေးနဲ့ အရေးပေါ် စီမံခန့်ခွဲရေး အာဏာပိုင်တွေက ဖေဖော်ဝါရီ ၂၁ ရက်မှာ ပြောပါတယ်။

အဲဒီထဲကမှ အင်အား ရစ်ချတ်တာ စကေး ၅ နဲ့ ၆ ကြားမှာ ရှိတဲ့ အပြင်းစား မြေပြင်တုန်ခါမှုက ၄၁ ကြိမ် လှုပ်ခဲ့တာပါ။

တူရကီနဲ့ ဆီးရီးယား နှစ်နိုင်ငံမှာ ဒီငလျင်တွေနဲ့ ပတ်သက်လို့ သေဆုံးသူ ဦးရေဟာ ဖေဖော်ဝါရီ ၂၀ ရက်မှာ အယောက် ၄၈၀၀၀ ကျော်ခဲ့ပါပြီ။

တူရကီမှာ ဖေဖော်ဝါရီ ၆ ရက်က အင်အား ရစ်ချတ်တာ စကေး ၇ ဒသမ ၇ ရှိတဲ့ ငလျင်လှုပ်အပြီး နာရီပိုင်းအကြာမှာ နောက်ထပ် အင်အားရစ်ချတ်တာ စကေး ၇ ဒသမ ၆ ရှိတဲ့ ငလျင် ထပ်လှုပ်ခဲ့တာပါ။

ငလျင်တွေရဲ့ သက်ရောက်မှုကို အိမ်နီးချင်း ဆီးရီးယား နိုင်ငံမှာလည်း ဆိုးဆိုးရွားရွား ခံစားခဲ့ရပါတယ်။