အမေရိကန်သမ္မတ ဂျိုးဘိုင်ဒန်ရဲ့ ရင်ဘတ်က အရေပြားအနာကို ဖေဖော်ဝါလတုန်းက အသားစုထုတ်ယူ ဆေးစစ်ချက်အရ ပုံမှန်မြင်နေကျ အရေပြားကင်ဆာ ပုံစံတမျိုးဖြစ်တယ် ကင်ဆာဖြစ်နေတဲ့ အသားစအားလုံးကို အောင်အောင် မြင်မြင် ဖယ်ရှားပြီးပြီလို့ အိမ်ဖြူတော် သမားတော် ကီဗင်အိုကွန်နောက မတ် ၃ ရက်မှာ ပြောလိုက်ပါတယ်။

ဘိုင်ဒန်ဟာ သူ့ရဲ့ ကျန်းမာရေး စောင့်ရှောက်မှု ဆက်ခံယူမယ့် အနေအထားအရ အရေပြား အခြေအနေကို ဆက်လက်စောင့်ကြည့်မှာ ဖြစ်ပေမယ့် အသားစ ထုတ်ယူထားတဲ့ နေရာက အနာပျောက်နေပြီး နောက်ထပ် ကုသဖို့ မလိုတော့ဘူးလို့ အိမ်ဖြူတော် သမားတော်က ပြောပါတယ်။

အရင်က အသက် ၈၀ အရွယ် ဘိုင်ဒန်ဟာ ရုပ်ပိုင်းဆိုင်ရာ စစ်ဆေးအပြီးမှာ ကျန်းမာပြီး တာဝန်ထမ်းဆောင်ဖို့ သင့်တော်တယ် လို့ ဆရာဝန်တွေက ကြေညာခဲ့ပါတယ်။