ကွင်းလယ်လူကန်တေ ပြန်ကစားနိုင်တော့မယ့်အပေါ် စိတ်လှုပ်ရှားစရာကောင်းကြောင်း ချဲလ်ဆီး နည်းပြ ဂရေဟမ်ပေါ်တာကပြောပါတယ်။

ကန်တေဟာ ဒဏ်ရာကြောင့် ပြီးခဲ့တဲ့နှစ် စက်တင်ဘာလကတည်းက အနားယူခဲ့ရတာဖြစ်ပြီး ပြီးခဲ့တဲ့တစ်ပတ်က အသင်းနဲ့အတူစတင်လေ့ကျင့်ခန်းဆင်းနိုင်ခဲ့တာပါ။

ကန်တေဟာ အသင်းနဲ့အတူ လေ့ကျင့်ခန်းဆင်းနိုင်ပြီးဖြစ်လို့ ပရီးမီးယားလိဂ်နဲ့ ချန်ပီယံလိဂ်ပွဲတွေမှာ ထည့်သွင်းအသုံးပြုနိုင်ပေမဲ့ မိနစ် ၉၀ အပြည့်ကစားနိုင်မှာတော့ မဟုတ်ကြောင်း၊ ဒါပေမဲ့ ကန်တေပြန်လာနိုင်ခဲ့တာဟာ အသင်းအတွက် စိတ်လှုပ်ရှားစရာကောင်းကြောင်း နည်းပြပေါ်တာကပြောပါတယ်။ 

ချဲလ်ဆီးအသင်းမှာ နောက်ခံလူ ရိစ်ဂျိမ်းစ်ဟာလည်း ဒဏ်ရာပြန်လည်သက်သာလာလို့ အသင်းနဲ့အတူ လေ့ကျင့်ခန်းဆင်းခဲ့ပါတယ်။

ချဲလ်ဆီးအသင်းရဲ့အားထားရတဲ့ ကွင်းလယ်ကစားသမား ကန်တေဟာ တံကောက်ကြော ဒဏ်ရာကြောင့် အခုနှစ်ရာသီမှာ ပရီးမီးယားလိဂ် ၂ ပွဲသာ ကစားနိုင်ခဲ့ပါတယ်။