အခုသီတင်းပတ် မန်စီးတီးနဲ့ ကစားရမယ့် ပရီးမီးယားလိဂ်ပွဲစဉ်မှာ လီဗာပူးအသင်းရဲ့ အဓိကတိုက်စစ်မှူးတွေဖြစ်တဲ့ နူညက်ဇ်နဲ့ ဒီယက်ဇ်တို့ ပြန်လည် ပါဝင်ကစားနိုင်မယ်လို့သိရပါတယ်။

နူညက်ဇ်ဟာ ရီးရဲလ်မက်ဒရစ်ကိုရှုံးနိမ့်ခဲ့တဲ့ ချန်ပီယံလိဂ်ပွဲစဉ်မှာ ခြေကျင်းဝတ်ဒဏ်ရာကြောင့် အနားယူခဲ့ရတာပါ။

ကိုလံဘီယာတိုက်စစ်ကစားသမား ဒီယက်ဇ်ကတော့ ပြီးခဲ့တဲ့နှစ် အောက်တိုဘာလက အာဆင်နယ် နဲ့ပွဲစဉ်မှာ ဒူးဒဏ်ရာရခဲ့တာပါ။

လက်ရှိအချိန်မှာတော့ အဲဒီကစားသမားနှစ်ဦးစလုံး လေ့ကျင့်ခန်းပြန်ဆင်းနေပြီး မနက်ဖန် စနေနေ့ ညနေ၆နာရီမှာကစားမယ့် မန်စီးတီးနဲ့ပွဲစဉ်မှာ ပြန်လည်ပါဝင်နိုင်မယ်လို့သိရပါတယ်။

လီဗာပူးအသင်းဟာ ပွဲစဉ် ၂၆ ပွဲကစားအပြီးမှာ ရမှတ်၄၂မှတ်နဲ့ အဆင့်၆ နေရာမှာရပ်တည်နေပြီး လီဗာပူးအတွက်တော့ မန်စီးတီးနဲ့ပွဲက ချန်ပီယံလိဂ်ဝင်ခွင့်အတွက် အရေးပါနေပါတယ်။

တခါ မန်စီးတီးအတွက်ကလည်း အာဆင်နယ်နဲ့ ၈ မှတ်မပြတ်ဖို့အတွက် လီဗာပူးကို အိမ်ကွင်းမှာ အနိုင်ရဖို့လိုအပ်နေတာဖြစ်ပါတယ်။