ဆီးရီးယားလေကြောင်းကာကွယ်ရေးတပ်တွေဟာ ဧပြီ ၃ ရက် ညနှောင်းပိုင်းက မြို့တော် ဒမတ်စ်ကပ်စ်ရဲ့ ဝေဟင်ပိုင်နက်ပေါ်က အစ္စရေးပစ်မှတ်အများအပြားကို ထိပ်တိုက်ရင်ဆိုင်ခဲ့ကြောင်းနဲ့ ဒုံးကျည်အများအပြားကို ကြားဖြတ်ဟန့်တားခဲ့ကြောင်း နိုင်ငံပိုင်မီဒီယာက ထုတ်ပြန်ပါတယ်။

ဧပြီ ၄ ရက် မနက်အစောပိုင်းက ရိုက်ကူးထားတဲ့ ဗီဒီယိုထဲမှာ ကောင်းကင်ယံရှိ ပစ်မှတ်အများအပြားကို ထိမှန်ပြီးနောက် ပေါက်ကွဲသံတွေကိုလည်း ကြားနေရကြောင်း ပြသထားပါတယ်။

အစ္စရေးဟာ ဆီးရီးယားရှိ အီရန်နဲ့ဆက်နွှယ်နေတဲ့ ပစ်မှတ်တွေအဖြစ် ဖော်ပြထားတဲ့ တိုက်ခိုက်မှုတွေကို နှစ်ပေါင်းများစွာ လုပ်ဆောင်ခဲ့တာဖြစ်ပြီး ဆီးရီးယားပဋိပက္ခမှာ သမ္မတ ဘာရှား အယ်လ်အာဆဒ်ကို စတင်ထောက်ခံလာကတည်းက တီဟီရန်ရဲ့ သြဇာလွှမ်းမိုးမှု ကြီးထွားလာခဲ့တာပါ။

ဆီးရီးယားမှာ လတ်တလော တိုက်ခိုက်မှုတွေနဲ့ပတ်သက်ပြီး အစ္စရေးစစ်တပ်က မှတ်ချက်ပေးဖို့ ငြင်းဆိုထားပါတယ်။

မတ်လ ၃၁ ရက်က ဒမတ်စကတ်မြို့အနီးမှာ အစ္စရေးတိုက်ခိုက်မှုတခု ဖြစ်ပွားခဲ့ရာ အီရန်တော်လှန်ရေး အစောင့်တပ်သားနှစ်ဦး သေဆုံးခဲ့ကြောင်း အီရန်နိုင်ငံပိုင်မီဒီယာက ဧပြီ ၂ ရက်မှာ ထုတ်လွှင့်သွားပါတယ်။