အာဆင်နယ်အသင်းနဲ့ ကစားခဲ့တဲ့ ပထမပိုင်းပွဲအပြီးမှာ လီဗာပူးနောက်ခံလူ ရော်ဘတ်ဆန်ကို တံထောင်နဲ့တိုက်ခဲ့တဲ့ စည်းကြပ်ဒိုင်ကို ပရီးမီးယားလိဂ် ဒိုင်အဖွဲ့ချုပ်က တာဝန်ကနေ ရပ်စဲလိုက်ပါတယ်။

အဲဒီစည်းကြပ်ဒိုင် ဟတ်ဇစ်ဒါကစ်ဟာ သူ့ကို စောဒကတက်ဖို့ပြေးလာတဲ့ရော်ဘတ်ဆန်ကို တံတောင်နဲ့ တွန်းထိုးခဲ့ပြီး  အဲဒီအပေါ် ပရီးမီးယားလိဂ် ဒိုင်အဖွဲ့ချုပ်က စုံစမ်းစစ်ဆေးခဲ့ပါတယ်။

အဲဒီလို စုံစမ်းစစ်ဆေးနေစဉ်ကာလအတွင်းမှာ စည်းကြပ်ဒိုင် ဟတ်ဇစ်ဒါကစ်ကို  ဘယ်ပွဲမှ တာဝန်ပေးမှာမဟုတ်ဘဲ တာဝန်ကနေရပ်စဲထားမှာဖြစ်ကြောင်း ဒိုင်အဖွဲ့ချုပ်က ထုတ်ပြန်ပါတယ်။ စည်းကြပ်ဒိုင် ဟတ်ဇစ်ဒါကစ်အနေနဲ့ စုံစမ်းစစ်ဆေးမှုမှာ ပြစ်မှုထင်ရှားခဲ့မယ်ဆိုရင် ကာလရှည် ပွဲပယ်ပြစ်ဒဏ်ချမှတ်ခံရနိုင်ပါတယ်။