နာပိုလီအသင်းဟာ ထိပ်တန်း အသင်းကြီးတစ်သင်းဖြစ်လို့ တခြားအသင်းကြီးတွေဆီ ပြောင်းရွှေ့ဖို့ မစဉ်းစားကြောင်း တိုက်စစ်မှူး အိုဆင်ဟမ်က  ပြောပါတယ်။ 

နိုင်ဂျီးရီးယားတိုက်စစ်မှူးဟာ စီးရီးအေ ၂၄ ပွဲမှာ ၂၁ ဂိုးသွင်းပြီး ခြေစွမ်းပြနေလို့ ထိပ်တန်းအသင်း ကြီးတွေကခေါ်ယူဖို့ ဆန္ဒရှိနေကြတာပါ။

ကြီးကျယ်ခမ်းနားတဲ့အသင်းကြီးတစ်သင်းမှာ သူ့ရဲ့ ကစားသမားဘဝဟာလည်း တိုး တက်လာနေပြီး အိမ်ကွင်းပရိသတ်တွေရှေ့မှာ ဆုဖလားနဲ့အတူ အောင်ပွဲခံဖို့ မစောင့်နိုင်တော့ ကြောင်း အိုဆင်ဟမ်ကပြောပါတယ်။ 

နာပိုလီအသင်းဟာ စီးရီးအေမှာ ဒုတိယနေရာက လာဇီယိုကို ၁၄ မှတ်ဖြတ်ထားလို့ ချန်ပီယံဖြစ်ဖို့ သေချာသလောက်ရှိနေပြီဖြစ်ပါတယ်။