ဒီမနက်အစောပိုင်းကန်သွားတဲ့ ချန်ပီယံလိဂ် ကွာတားဖိုင်နယ်ပွဲစဉ်မှာ မန်စီးတီးနဲ့ ဘိုင်ရန်မြူးနစ်တို့ (၁-၁)ဂိုးနဲ့ သရေကျပြီး နှစ်ကျော့ပေါင်းရလဒ် (၄-၁) ဂိုးနဲ့ မန်စီးတီးအသင်းက ဆီမီးဖိုင်နယ်တက်သွားပါတယ်။ မန်စီးတီးအတွက်ဂိုးကိုတော့ တိုက်စစ်မှူးဟာလန်းက ပွဲချိန် ၅၇ မိနစ်မှာ သွင်းယူပေးခဲ့တာဖြစ်ပါတယ်။

အင်တာမီလန်နဲ့ ဘန်ဖီကာတို့ ပွဲစဉ်မှာလည်း ( ၃-၃) ဂိုးနဲ့ သရေကျသွားပြီး နှစ်ကျော့ပေါင်းရလဒ် (၅-၃)ဂိုးနဲ့ အင်တာမီလန်အသင်းက ဆီမီးဖိုင်နယ်တက်သွားပါတယ်။

ဆီမီးဖိုင်နယ်ပွဲစဉ်တွေကိုတော့လာမယ့် မေလဆန်းမှာ ရီးရဲလ်မက်ဒရစ်နဲ့ မန်စီးတီး၊ အီတလီအသင်းတွေဖြစ်တဲ့ အေစီမီလန်နဲ့ အင်တာမီလန်တို့ အသီးသီးယှဉ်ပြိုင်ကစားကြရမှာဖြစ်ပါတယ်။