အသင်းဖော်ဆာနေးကို ထိုးကြိတ်ခဲ့တဲ့ မာနေးဟာ ဘိုင်ယန်မြူးနစ်အသင်းရဲ့ အရေးယူမှုခံရတော့ မယ်လို့သိရပါတယ်။

မန်စီးတီးအသင်းကို ၃ ဂိုး ဂိုးမရှိနဲ့ရှုံးနိမ့်ခဲ့တဲ့ပွဲအပြီးမှာ အသင်းရဲ့စွမ်းဆောင်ရည်နဲ့ ပတ်သက်ပြီး အချင်းချင်း ဆွေးနွေးငြင်းခုံကြရာမှာ ခိုက်ရန်ဖြစ်ပွားခဲ့တာဖြစ်တယ်လို့ ဂျာမနီသတင်းစာ Bild ကဖော်ပြပါတယ်။

ဆာနေးဟာ မာနေးကို လေးစားမှုကင်းမဲ့တဲ့စကားပြောခဲ့တာကြောင့် မာနေးက လက်သီးနဲ့ ထိုးကြိတ်ခဲ့ရာမှာ ဆာနေးရဲ့နှုတ်ခမ်းပေါက်ပြဲသွားခဲ့တယ်လို့ ဆိုပါတယ်။

သူတို့ရဲ့ ခိုက်ရန်ဖြစ်ပွားမှုကို အသင်းဖော်တွေနဲ့ နည်းပြအဖွဲ့ဝင်တွေကလည်း ဝိုင်းဝန်း ဖျန်ဖြေခဲ့ရတယ် လို့သိရပါတယ်။

ဘိုင်ယန်မြူးနစ်အသင်းဘက်ကတော့ ကိုယ်ထိလက်ရောက်ကျူးလွန်ခဲ့တဲ့ မာနေးကို အရေးယူမှုပြုလုပ်ဖို့ စုံစမ်းစစ်ဆေးမှုတွေ လုပ်ဆောင်သွားမှာဖြစ်တယ်လို့ Bild သတင်းမှာဖော်ပြပါ တယ်။

မန်စီးတီးကို ၃ ဂိုးပြတ်နဲ့ ရှုံးနိမ့်ခဲ့တဲ့ပွဲစဉ်မှာ မာနေးက ပွဲချိန် မိနစ်၇၀ ရောက်မှ လူစားဝင်ကစား ခွင့်ရခဲ့ပြီး ကန်သွင်းချက်တစ်ကြိမ်မှမရခဲ့ပေမဲ့ ပွဲထွက်ကစားခဲ့တဲ့ ဆာနေးက ဂိုးကန်သွင်းချက် ၅ ကြိမ် အထိရှိခဲ့တာဖြစ်ပါတယ်။