တရုတ်နိုင်ငံ အနောက်မြောက်ပိုင်းရှိ ကိုယ်ပိုင်အုပ်ချုပ်ခွင့်ရဒေသတစ်ခုဖြစ်တဲ့ ရှင်းကျန်းပြည်နယ် ဝီဂါတောင်ပိုင်းမှာ ပြီးခဲ့တဲ့အင်္ဂါနေ့ကစလို့ ကြီးမားတဲ့ သဲမုန်တိုင်းတစ်ခု ဝင်ရောက်တိုက်ခတ် နေပါတယ်။ 

တာ့ခ်လာမကန် သဲကန္တာရအဆုံးရှိ ဝမ်ဆူ စီရင်စုမှာ မီတာ ၁၀၀ နီးပါးမြင့်တဲ့ သဲနံရံကြီးတစ်ခုက ဒေသတွင်း အဝေးပြေးလမ်း တစ်ခုပေါ်  ဖြတ်သန်းသွားတာကို ဒေသခံတွေရဲ့ ဗီဒီယိုမှတ်တမ်းအရ သိရပါတယ်။ 

ဒီလို သဲထုကြီးထဲကို မော်တော်ယာဉ်တွေ ဖြတ်သန်းသွားတဲ့အခါမှာ မီတာ ၁၀၀ အကွာအဝေးကိုတောင် မမြင်ရဘူးလို့ ဆိုပါတယ်။ 

ဒေသဆိုင်ရာ မိုးလေဝသ အာဏာပိုင်အဖွဲ့ကတော့ ဒီသဲမုန်တိုင်းဟာ သောကြာနေ့အတွင်း စတင် ငြိမ်သက်လာမယ်လို့ သတင်းထုတ်ပြန်ထားပါတယ်။