ရာသီအကုန်တွင် အသင်းခေါင်းဆောင် ဘူးစကွက်စ်နှင့် လမ်းခွဲမည်ဟု ဘာစီလိုနာ အတည်ပြု

3
ဘာစီလိုနာအသင်းဟာ ရာသီအကုန်မှာ အသင်းခေါင်းဆောင် ဘူးစကွက်စ်နဲ့ လမ်းခွဲမယ်လို့ အတည်ပြု ထုတ်ပြန်ခဲ့ပါတယ်။
အသက် ၃၄ နှစ်ရှိ ကွင်းလယ်လူဟာ ဘာစီလိုနာမှာ ၁၅ နှစ် ကြာ ဖြတ်သန်းနေသူဖြစ်ပြီး မက်ဆီ၊ ဇာဗီ၊ အင်နီယေစတာတို့နဲ့အတူ ဆုဖလားပေါင်းများစွာရယူပေး နိုင်ခဲ့သူပါ။
ရာသီအကုန်မှာ စာချုပ်သက်တမ်းလည်း ကုန်ဆုံးသွားမှာဖြစ်ပြီး ဘာစီလိုနာဘက်က ဆက်ပြီး သက်တမ်းမတိုးဖို့ ဆုံးဖြတ်ခဲ့တာပါ။
သူဟာ ၂၀၀၈ ခုနှစ်ကစတင်ပြီး လက်ရှိအချိန်အထိ ဘာစီလိုနာအတွက် ပွဲပေါင်း ၇၀၀ ကျော်ပါဝင်ကစားခဲ့ပါတယ်။
ဘူးစကွက်စ်အနေနဲ့ အနားယူဖို့ အစီအစဉ်မရှိသေးဘဲ ဆော်ဒီကလပ် အယ်လ်ဟီလာအသင်းဆီ ပြောင်းရွှေ့မယ်လို့သိရပါတယ်။
အယ်လ်ဟီလာအသင်းဟာ မက်ဆီကိုလည်း မက်မောလောက်တဲ့လုပ်ခနဲ့ ကမ်းလှမ်းထားလို့ ဆော်ဒီလိဂ်မှာ မက်ဆီနဲ့ ဘူးစကွက်စ်တို့ပြန်လည်းတွဲဖက်ကစားခွင့်ရဖို့ရှိပါတယ်။