မန္တလေးတိုင်း၊ မိုးကုတ်မြို့မှာ ဖမ်းဆီးခံထားရတဲ့ လူငယ် ၆ ဦးဟာ တလကျော်ကြာတဲ့အထိ  မိသားစုနဲ့ တွေ့ခွင့်မရဘဲ နေ့စဉ်မိုးကုတ်အချုပ်ထောင်ကြီးဆီ ထမင်းပို့နေရတယ်လို့ မိသားစုနဲ့ နီးစပ်သူက ပြောပါတယ်။ 

လူငယ် ၆ ဦးကို တခြားနိုင်ငံရေးလှုပ်ရှားသူတွေနဲ့အတူ ဖမ်းဆီးထားပြီး စစ်ကောင်စီက ထောင်ဒဏ် ၃ နှစ်စီချဖို့ ရှိနေတယ်လို့လည်း  မိသားစုနဲ့နီးစပ်သူတစ်ဦးက ပြောပါတယ်။ 

“ထောင်ဒဏ် ၃ နှစ်ချမှာကလွဲပြီး ဘာတစ်ခုမှ မိသားစုတွေက မသိရဘဲ တရားစွဲတာ။ အမှု ဖွင့်တာမျိုးလည်း မရှိဘဲ ဖမ်းဆီးထားပြီး ထောင်ချမယ်လို့ပဲ သိရ​တယ်” လို့ ပြောပါတယ်။ 

ဖမ်းဆီးခံ လူငယ် ၆ ဦးက အဝေးတနေရာကနေ အလုပ်လုပ်ပြီး မိုးကုတ်ကို ပြန်လာရာမှာ ပြင်ဦးလွင်လမ်းက လယ်ကြီးစစ်ဆေးရေးဂိတ်မှာ စစ်ဆေးခံရပြီး ၆ ဦးစလုံးကို ဖမ်းဆီးခံထားရတာ ဖြစ်ပါတယ်။