ရုရှားနိုင်ငံမှာ ကိုဗစ်-၁၉ ကူးစက်ခံရသူပေါင်း ၆ သန်းကျော်နဲ့ သေဆုံးသူပေါင်း ၁ သိန်းခွဲနီးပါး ရှိလာခဲ့ပြီဖြစ်ပြီး ကမ္ဘာ့ကူးစက်မှုအမြင့်ဆုံးအဆင့် ၄ နေရာမှာ ရှိနေပါတယ်။

ကမ္ဘာ့ကူးစက်မှုအမြင့်ဆုံး ထိပ်တန်း ၃ နိုင်ငံအနေနဲ့ အမေရိကန်က ရောဂါကူးစက် ခံရသူပေါင်း ၃၅ သန်းကျော်၊ သေဆုံးသူ ၆ သိန်း ၂ သောင်းကျော်၊ အိန္ဒိယက ရောဂါကူး စက်ခံရသူပေါင်း ၃၁ သန်းကျော်၊ သေဆုံးသူ ၄ သိန်းကျော်၊ ဘရာဇီးနိုင်ငံက ရောဂါကူး စက်ခံရသူပေါင်း ၁၉ ဒသမ ၃ သန်းကျော်၊ သေဆုံးသူ ၅ သိန်း ၄ သောင်းကျော်စီ အသီး သီးနဲ့ ရပ်တည်နေတာပါ။

လတ်တလော ကမ္ဘာ့ကူးစက်မှုအမြင့်ဆုံးအဆင့် ၄ နေရာမှာ ရှိနေတဲ့ ရုရှားနိုင်ငံမှာ တော့ ပြီးခဲ့တဲ့ ၂၄ နာရီအတွင်း ကိုဗစ်-၁၉ ရောဂါကူးစက်ခံရသူပေါင်း ၂၃,၀၀၀ ကျော်ရှိခဲ့ပြီး ဆက်တိုက်ကူးစက်မှုနှုန်း ၀ ဒသမ ၄ ရာခိုင်နှုန်း ရှိနေတယ်လို့ ဆိုပါတယ်။

ရုရှားနိုင်ငံနောက်မှာတော့ ပြင်သစ်နိုင်ငံက ရောဂါကူးစက်ခံရသူပေါင်း ၅ ဒသမ ၈ သန်းကျော်၊ သေဆုံးသူ ၁ သိန်း ၁ သောင်းကျော်နဲ့ ရှိနေတာပါ။

  ရုရှားကိုဗစ်-၁၉ ကာကွယ်ဆေး Sputnik V ကတော့ အိန္ဒိယကာကွယ်ဆေးထုတ် လုပ်သူ Serum Institute နဲ့ ပူးပေါင်းပြီး နှစ်စဉ်ကာကွယ်ဆေးသန်း ၃၀၀ ထုတ်လုပ်နိုင်ဖို့ သဘောတူညီမှု ရရှိထားတယ်လို့ ဆိုပါတယ်။

ဒါ့အပြင် ရောဂါကူးစက်မှုတွေ မြင့်တက်လာတဲ့ ရုရှားနိုင်ငံမှာ လေကြောင်းလိုင်း တွေက လေယာဉ်မှူးတွေ၊ လေယာဉ်အမှုထမ်းတွေအားလုံးကို အချိန် ၇၂ နာရီတိုင်း ကို ဗစ်-၁၉ ရောဂါပိုး ရှိ၊ မရှိ စစ်ဆေးမှုတွေ လုပ်ဆောင်ဖို့ ဖက်ဒရယ်လေကြောင်းပို့ဆောင်ရေး အေဂျင်စီက အမိန့်ထုတ်ပြန်ထားပါတယ်။     

ဒါ့အပြင် လူနေထူထပ်တဲ့ မြို့ကြီးတွေမှာ လူစုလူဝေးနဲ့ စုရုံးသွားလာတာတွေ၊ စား သောက်ဆိုင်တွေ အပါအဝင် ခရီးသွားဧည့်သည်တွေ ဝင်ရောက်ခွင့်တွေ ကန့်သတ်ပိတ်ပင် တာတွေကိုလည်း အရေးတကြီး လုပ်ဆောင်နေပါတယ်။

ရုရှားနိုင်ငံမှာ လက်ရှိအချိန်ထိ ကိုဗစ်-၁၉ ရောဂါပြန်လည်ပျောက်ကင်းသက်သာလာသူ စုစု ပေါင်းကတော့ ၅ ဒသမ ၅၈ သန်းကျော် ရှိနေပြီး ၄ သိန်း ၇ သောင်းကျေိာ်ကတော့ ဆေးရုံတက် ရောက်ကုသမှုခံယူနေဆဲ ဖြစ်ပါတယ်။