လူကာကူကို ခေါ်ယူနိုင်ရေး ချဲလ်ဆီးအသင်း ဒုတိယအကြိမ် ကမ်းလှမ်းမည်
ချဲလ်ဆီးအသင်းဟာ အင်တာမီလန်တိုက်စစ်မှူး လူကာကူကို ခေါ်ယူဖို့အတွက် ဒုတိယအကြိမ် ကမ်းလှမ်းဖို့ရှိတယ်လို့ စကိုင်းစပေါ့သတင်းမှာ ဖော်ပြပါတယ်။
ချဲလ်ဆီးဟာ လူကာကူကို ပြန်လည်ခေါ်ယူဖို့အတွက် အင်တာမီလန်ကို ပေါင် ၈၅ သန်းအပြင် နောက်ခံလူ အလွန်ဆိုကိုပါ အလိုက်ပေးကမ်းလှမ်းခဲ့ပေမယ့် ပယ်ချခံခဲ့ရပါတယ်။
အင်တာမီလန်အသင်းဟာ မနှစ်က စီးရီးအေ ချန်ပီယံဖြစ်ခဲ့ပေမယ့် နည်းပြကွန်တီနဲ့ လမ်းခွဲခဲ့ပြီး ကစားသမားတွေရဲ့ လုပ်ခပမာဏပြားများတာကြောင့် လျှော့ချသွားဖို့ လိုအပ်နေ တာဖြစ်ပါတယ်။
မနှစ်က ၂၄ ဂိုးသွင်းခဲ့တဲ့ လူကာကူကတော့ အသင်းမှာဆက်ကစားဖို့ ပြင်ဆင်ထားပေမယ့် အင်တာမီလန်ရဲ့ ဘဏ္ဍာရေးအခြေအနေအရ သင့်တော်တဲ့ ကမ်းလှမ်းချက်ရှိလာရင် လက်ခံစဉ်းစားနိုင်တယ်လို့ စကိုင်းစပေါ့သတင်းထောက် ဆိုဟက်ကိုးလ်က ပြောပါတယ်။
“ပထမတစ်ကြိမ် ကမ်းလှမ်းချက်က အင်တာမီလန်အတွက် လုံလောက်တဲ့ ပမာဏမဟုတ်ခဲ့ပါဘူး။ ဒါပေမဲ့ ချဲလ်ဆီးဘက်က ယူရို ၁၁ဝ နဲ့ ၁၂၀ ကြားသာ ကမ်းလှမ်းမယ်ဆိုရင် အင်တာဘက်က လက်ခံစဉ်းစားမှာ ဖြစ်တယ်ဆိုတာ ကျနော် ပြောနိုင်ပါတယ်။”
ချဲလ်ဆီးအသင်းဟာ လွန်ခဲ့တဲ့ ၁ဝ နှစ်လောက်က လူကာကူကို အန်ဒါလက်ချ်အသင်းကနေ ယူရို ၁ဝ သန်းလောက်နဲ့ ခေါ်ယူခဲ့ပြီး လက်ရှိအချိန်မှာတော့ ယူရိုသန်း ၁၀၀ ကျော်နဲ့ ပြန်လည်ဝယ်ယူရမယ့် အခြေအနေဖြစ်သွားခဲ့တာပါ။
