အက်စ်တွန်ဗီလာအသင်းခေါင်းဆောင် ဂရေးလစ်ရှ်နဲ့ မန်စီးတီးအသင်းတို့ရဲ့ အပြောင်းအရွှေ့ကိစ္စ ကို  သြဂုတ် ၄ ရက် ဒီနေ့ စတင်ဆွေးနွေးသွားမယ်လို့သိရပါတယ်။ 

မန်စီးတီးအသင်းဟာ အင်္ဂလန် လက်ရွေးစင် ဂျက်ဂရေးလစ်ရှ်ကို ဗြိတိန် စံချိန်တင် ပြောင်းကြေးဖြစ်တဲ့ ပေါင်သန်း ၁၀၀ နဲ့ ခေါ်ယူဖို့ အဆင်သင့်ဖြစ်နေပြီး ကစားသမားကိုယ်တိုင်ကလည်း ပြောင်းရွှေ့လိုနေတာပါ။ 

ဂရေးလစ်ရှ်ဟာ အားလပ်ရက်ကနေ ပြန်လာပြီးနောက် အသင်းနဲ့အတူ လေ့ကျင့်ခန်းပြန်ဆင်းခဲ့ပြီး ဗီလာအသင်း တာဝန်ရှိသူတွေနဲ့ ဆွေးနွေးခဲ့တယ်လို့ သိရပါတယ်။

ဗီလာအသင်းဘက်ကတော့ ဂရေးလစ်ရှ်ကို ဆက်ထိန်းထားဖို့ ဆန္ဒရှိခဲ့ပေမယ့် လက်ရှိအချိန်မှာတော့ အသင်းပြောင်းရွှေ့ခွင့်ပြုရဖွယ်ရှိပါတယ်။ 

ဗီလာအသင်းဟာ လီဗာကူဆင်တိုက်စစ်ကစားသမား ဘိုင်လီကိုလည်း ပေါင်သန်း ၃ဝ နဲ့ ခေါ်ယူထာပြီးဖြစ်ပါတယ်။ ဂရေးလစ်ရှ်ကို ရောင်းချပြီး ရတဲ့ငွေကြေးနဲ့ ဆောက်သမ်တန်က ဝက်စ်ပရောက်၊ ချဲလ်ဆီးတိုက်စစ်မှူး အေဗရာဟမ်၊ မန်ယူနောက်ခံလူ တွန်ဇန်ဘီနဲ့ နောဝှစ်ချ် တောင်ပံကစားသမား ကမ့်ဝဲလ်တို့ကို ခေါ်ယူဖို့ ပစ်မှတ်ထားနေတယ်လို့ သိရပါတယ်။