ချက်သမ္မတနိုင်ငံမြောက်ပိုင်း လီဘဲရက်ခ်မြို့မှာ အောက်တိုဘာ ၃၁ ရက်က ကေဘယ်လ်ကား တစီး ကြိုးတန်းကနေ ပြုတ်ကျခဲ့အပြီး လူ တယောက် သေဆုံးခဲ့ပါတယ်။

တခြားလူတွေကိုတော့ တခြားကေဘယ်ကားတွေကနေ ကယ်ထုတ် နိုင်ခဲ့တယ်လို့ ကယ်ဆယ်ရေး ဌာန ပြောခွင့်ရက ပြောပါတယ်။

ပေ ၃၃၀၀ မြင့်တဲ့ တောင်ပေါ် ကေဘယ်ကား ကြိုးတန်းမှာ ကား၂ စီးပါပြီး ဝန်ထမ်းတယောက်က လူကိုယ်တိုင် ကိုင်တွယ် မောင်းနှင်ပါတယ်။

ကေဘယ်ကားပေါ်က လူတယောက် ဒဏ်ရာကြောင့် သေဆုံးပြီး တခြားတဖက်က ကေဘယ်ကား ပေါ်က လူ ၁၄ ယောက်ကိုတော့ ကယ်ထုတ်နိုင်ခဲ့တယ်လို့ ရဲတပ်ဖွဲ့ ပြောခွင့်ရက ရိုက်တာ သတင်းဌာနကို ပြောပါတယ်။ အာဏာပိုင်တွေက ဒီကိစ္စကို အမှုဖွင့်ပြီး စုံစမ်းစစ်ဆေး နေပါတယ်။