မန္တလေးတိုင်း၊ မိတ္ထီလာမြို့မှာ နိုဝင်ဘာ ၃ ရက် ည ၁၁ နာရီလောက်က  နည်းပညာတက္ကသိုလ် (ရတနာပုံ ဆိုင်ဘာစီးတီး) က ကျောင်းသား တယောက် ထပ်မံဖမ်းဆီးခံလိုက်ရပါတယ်။

ဖမ်းဆီးခံရသူဟာ တတိယနှစ် EcE Major ကျောင်းသား ကို​ဇေယျာလင်း ဖြစ်ပြီး နေအိမ်မှာရှိနေစဉ် ဖမ်းဆီးခံလိုက်ရတာလို့ သိရပါတယ်။

နေအိမ်ကို စစ်ကောင်စီတပ်သား အင်အားအလုံးအရင်း ဝိုင်းပြီး လက်​နောက်ပြန် လက်ထိပ်ခတ်ကာ ကိုဇေယျာလင်းကို ခေါ်​ဆောင်သွားကာ ခဏအကြာမှာ စစ်ကောင်စီတပ်သားတွေ နောက်တကြိမ် ​နေအိမ်ကို ပြန်လာပြီး ကို​ဇေယျာလင်းရဲ့ လက်ကိုင်ဖုန်းကို အိမ်အတွင်း ​မွှေနှောက် ရှာ​ဖွေ ယူဆောင်သွားတယ်လို့ နည်းပညာတက္ကသိုလ် (ရတနာပုံ ဆိုင်ဘာစီးတီး) ကျောင်းသားသမဂ္ဂ ကနေ သိရပါတယ်။

နိုဝင်ဘာ ၂ ရက် ညပိုင်းကလည်း နည်းပညာတက္ကသိုလ် ( ရတနာပုံ ဆိုင်ဘာစီးတီး ) 5th Batch မှ Advanced Materials Engineering (အဆင့်မြင့်ဒြပ်ပစ္စည်း အင်ဂျီနီယာ) မေဂျာ မှာ တက်​ရောက်​နေ​တဲ့ ကိုမျိုးသူနိုင်ကို မိတ္ထီလာမြို့ရှိ နေအိမ်မှာ စစ်ကောင်စီတပ်သားတွေ ဖမ်းဆီးသွားခဲ့ပါတယ်။

ဖမ်းဆီးခံထားရတဲ့ ကိုမျိုးသူနိုင်နဲ့ ကိုဇေယျာလင်း တို့ကို ဘယ်မှာ ဖမ်းဆီးထားတယ်ဆိုတာကိုတော့ လတ်တလော မသိရသေးပါဘူး။