ထိုင်ဝမ်ကို ပို့မယ့် အမေရိကန်ဒေါ်လာ ၈၈ သန်းတန်ဖိုးရှိ မက်သာ အဖက်တမင်း ခရစ္စတယ် ဆေးပြား ၈၉၇ ကီလိုဂရမ်ကို ထိုင်းအကောက်ခွန်ဌာနက သိမ်းဆည်းရမိတယ်လို့ ဒီဇင်ဘာ ၄ ရက်မှာ ပြောပါတယ်။ 

ဒီဆေးတွေကို သင်္ဘောနဲ့ တင်ပို့မယ့်အကြောင်း သတင်းရတာကြောင့် သိမ်းဆည်းမိတာဖြစ်ပြီး အရွယ်အစား မတူညီတဲ့ စီလီကွန်ပြား ၁၆၁ ချက်ပါတဲ့ အညိုရောင် သေတ္တာ ၂၄ လုံးကို စက်အလင်းတန်းရှေ့မှာ ဖြတ်သန်းပြီး စကန်ဖတ်ကြည့်ရာက သံသယဖြစ်စရာ ကောင်းတဲ့ ပစ္စည်းတွေ ပါနေတာ ဒီဇင်ဘာ ၃ ရက်ညနေက တွေ့ခဲ့ကြပါတယ်။ 

ဒါ့အပြင် အထပ်တွေက ဆီလီကွန်ပစ္စည်းတွေ ဖြစ်ပေမဲ့ အထဲမှာ မက်သာအဖက်တမင်းတွေ ပြည့်နေပြီး သက်ဆိုင်ရာ အေဂျင်စီတွေနဲ့ ညှိနှိုင်းဆောင်ရွက်ကာ စုံစမ်းစစ်ဆေးမှုကို တိုးချဲ့ လုပ်ဆောင်နေတယ်လို့ ထိုင်းအကောက်ခွန်ဌာနညွှန်ချုပ် ပတ်ချရာ အာနန်တာစီလ်ပါက မီဒီယာကို ပြောပါတယ်။

ဒီကုန်ထုပ်တွေရဲ့ အရင်းအမြစ်ကို မသိရသေးဘဲ ထိုင်းနဲ့ ထိုင်ဝမ် အာဏာပိုင်တွေအတူ ပူးပေါင်း စုံစမ်းစစ်ဆေးနေပါတယ်။