close

အိုမီခရွန်ကူးစက်မှု အနီရောင်အဆင့်နိုင်ငံများတွင် အမေရိကန်ကို ထည့်သွင်းရန် အစ္စရေးအကြံပြု

ကျန်းမာရေးဝန်ကြီးဌာန၊ အကြံပေးကော်မတီက အထူးခွင့်ပြုချက်မပါဘဲ အစ္စရေးနိုင်ငံသားတွေ မသွားရမယ့် အနီရောင်အဆင့် သတ်မှတ်ချက်အောက်က နိုင်ငံများ စာရင်းထဲမှာ အမေရိကန်ကို ထည့်ဖို့ ဒီဇင်ဘာ ၁၉ ရက်က အကြံပြုလိုက်ပါတယ်။

အစ္စရေးနိုင်ငံဟာ အိုမီခရွန် ဗီဇမျိုးကွဲကြောင့် ကိုဗစ်-၁၉ ကပ်ရောဂါ ကူးစက်မှု ပဉ္စမလှိုင်းကို ရင်ဆိုင်နေရတယ်လို့ ဝန်ကြီးချုပ် နက်ဖ်တာလီ ဘန်းနက်က ဒီဇင်ဘာ ၁၉ ရက်မှာ ပြောပါတယ်။

ပြည်သူတွေ ကာကွယ်ဆေးထိုးကြဖို့နဲ့ အိမ်ကနေ အလုပ်လုပ်ရေး ကြိုတင်သတိထား ပြင်ဆင်တာတွေ အကောင်အထည်ဖော်ကြဖို့ကိုလည်း သူက တိုက်တွန်းပါတယ်။

အရင်လက အိုမီခရွန် ကူးစက်ခံနိုင်ငံတွေဆီကို ခရီးသွားလာမှု ကန့်သတ်ဖို့ အမြန်လုပ်ခဲ့လို့ သက်သာရာရခဲ့ကြောင်း၊ လာမယ့်သီတင်းပတ်အနည်းငယ်အတွင်း နေမကောင်းဖြစ်သူ တိုးလာမယ်လို့ ဘန်းနက်က ပြောပါတယ်။

“ကျနော်တို့မှာ အချိန်မရှိတော့ဘူး ကူးစက်ခံဦးရေ မမြင့်သေးပေမယ့် အင်မတန်ကူးလွယ်တဲ့ ဗီဇမျိုးကွဲ ဖြစ်နေလို့ ၂ ရက် ၃ ရက်တိုင်းမှာ နှစ်ဆ ဖြစ်လာနေတာ တကမ္ဘာလုံးမှာ မြင်နေရတယ်။ ပဉ္စမလှိုင်းစပြီလို့ ပြောလို့ရတယ်။” 

လူဦးရေ ၉ ဒသမ ၄ သန်းရှိတဲ့ အစ္စရေးမှာ အိုမီခရွန် ဗီဇမျိုးကွဲ ကူးစက်ခံအတည်ပြုလူနာ ၁၃၄ ယောက်ရှိကာ သံသယလူနာ ၃၀၇ ယောက်ရှိပြီး အဲဒီထဲက ၁၆၇ ယောက်သာ ရောဂါလက္ခဏာပြတယ်လို့ ကျန်းမာရေးဝန်ကြီးဌာနက ပြောပါတယ်။

အိုမီခရွန် ဗိုင်းရပ်စ် ကူးစက်မှုကို ပထမဆုံး တုံ့ပြန်တဲ့အနေနဲ့ အစ္စရေးဟာ နိုဝင်ဘာ ၂၄ ရက်က စပြီး နိုင်ငံခြားသား ပြည်ဝင်ခွင့် တားမြစ်ပိတ်ပင်ခဲ့တာပါ။

နိုင်ငံခြားက ပြန်လာတဲ့ အစ္စရေးနိုင်ငံသားတွေကိုတော့ ၃ ရက်ကနေ ၁၄ ရက်အထိ ရောဂါခြေချုပ်နဲ့ နေဖို့ အမိန့်ထုတ်ခဲ့ပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
Up