ရုရှားစစ်သည် ၁ သောင်းကျော် ယူကရိန်းနိုင်ငံအနီးမှ ပြန်ထွက်ခွာ
ယူကရိန်းနိုင်ငံအနီးမှာ ၁ လကြာ စစ်ရေးလေ့ကျင့် အင်အားပြနေတဲ့ ရုရှားတပ်သား ၁၀၀၀၀ ကျော်ဟာ ဒီကနေ့ ရုရှားစစ်စခန်းအသီးသီးကို ပြန်သွားကြပြီလို့ Interfax သတင်းမှာ ဖော်ပြပါတယ်။
ရုရှားစစ်သားတွေက ယူကရိန်းတောင်မြောက် အရှေ့ ဒေသပတ်ပတ်လည်မှာ တလတာ တိုက်ခိုက်ရေး လေ့ကျင့်မှုတွေ လုပ်ပြခဲ့တာပါ။
၂၀၁၄ က ရုရှားတို့ ဝင်ရောက်ကျူးကျော်ခဲ့တဲ့ ခရိုင်းမီးယားဒေသမှာ စစ်ရေး လေ့ကျင့်မှုတွေကို ပိုပြီး ပြင်းပြင်းထန်ထန် လုပ်ပြသွားခဲ့ပါတယ်။
ဒီလထဲ ရုရှားစစ်ရေးလေ့ကျင့်မှုတွေ လုပ်ပြနေစဉ်မှာပဲ သမ္မတပူတင်က အမေရိကန်သမ္မတ ဂျိုးဘိုင်ဒင်နဲ့ ဗွီဒီယိုနဲ့ အစည်းအဝေးလုပ်ခဲ့ပြီး ယူကရိန်းကို ကျူးကျော်ဖို့အစီအစဉ်မရှိဘူးလို့ ပြောခဲ့ပါတယ်။
ဒါပေမဲ့ အနောက်နိုင်ငံတွေက ယူကရိန်းကို နေတိုးအဖွဲ့ဝင်နိုင်ငံအဖြစ် အသိအမှတ်မပြုဖို့ ကတိပေးပါလို့ တောင်းဆိုပါတယ်။
အမေရိကန်နဲ့ ဥရောပသမဂ္ဂကတော့ ယူကရိန်း နေတိုးအဖွဲ့ထဲ ဝင်ရောက်ရေးဟာ ယူကရိန်းနဲ့ နေတိုးရဲ့ ကိစ္စသာဖြစ်ပြီး၊ ရုရှားနဲ့ မသက်ဆိုင်ဘူးလို့ ပြောထားတာကြောင့် တင်းမာခဲ့ပါတယ်။
