ရုရှားစစ်ထောက်လှမ်းရေး တပ်ဖွဲ့တွေဟာ ယူကရိန်းနယ်စပ် ရက်စ်တို့ဗ် ဒေသအတွင်း ကာဒါမို့ဗ်စကီ တောင်တန်းမှာ ဒီဇင်ဘာ ၂၂ရက်က သေနတ်ပစ် လေ့ကျင့်ခဲ့တယ်လို့  ဒီဇင်ဘာ ၂၇ ရက်နေ့ ရိုက်တာသတင်းမှာ ဖော်ပြပါတယ်။

 အဲဒီအချိန်မှာ ယူကရိန်းနိုင်ငံအရှေ့ပိုင်းက ပဋိပက္ခဖြစ်ပွားရာ ဒေသအတွင်းမှာ ယူကရိန်း စစ်တပ်က အမေရိကန်လုပ် ဂျာဗယ်လင် တင့်ဖျက်ဒုံးကျည်တွေနဲ့အတူ တိုက်ခိုက် ​လေ့ကျင့်ခဲ့လို့ ရုရှားနဲ့ တင်းမာမှု တိုးလာခဲ့တာပါ။

ရုရှားဟာ ကျူးကျော်စစ် ဖြစ်နိုင်ချေအတွက် ပြင်ဆင်တဲ့အနေနဲ့ နယ်စပ်မှာ စစ်တပ် ထောင်သောင်းချီ တပ်ချခဲ့တယ်လို့ ယူကရိန်းအစိုးရက စွပ်စွဲပါတယ်။

ယူကရိန်းနိုင်ငံ အရှေ့ပိုင်း ဒွန်ဘတ်စ်ဒေသမှာ ပဋိပက္ခကြောင့် အိမ်နီးချင်း နှစ်နိုင်ငံအကြား စစ်ပွဲဖြစ်ပေါ်လာမှာကို စိုးရိမ်မှု မြင့်တက်ခဲ့တာပါ။

ရုရှားက ဘယ်လို တိုက်ခိုက်မှုမှ စီစဉ်မထားဘူးလို့ ငြင်းရင်း ယူကရိန်း နဲ့ အမေရိကန်တို့ဟာ မတည်မငြိမ် ဖြစ်အောင် လုပ်နေတယ်လို့ စွပ်စွဲပါတယ်။

မြောက်အတ္တလန္တိတ်စစ်ရေး မဟာမိတ်အဖွဲ့ နေတိုးက ဥရောပအရှေ့ပိုင်းကို စစ်အင်အား မတိုးချဲ့ဖို့ လုံခြုံရေး အာမခံချက်တွေကိုလည်း တောင်းဆိုခဲ့ပါတယ်။

ရုရှားစစ်သည်အင်အား ၁၂၂,၀၀၀ ဟာ ယူကရိန်းနယ်စပ်ကနေ ၁၂၄ မိုင်အကွာကို ဆုတ်သွားခဲ့တယ်လို့ ယူကရိန်း ထိပ်တန်းလုံခြုံရေးအရာရှိ အိုလက်ဆီ ဒါနီလောက ဒီဇင်ဘာ ၂၆ ရက်မှာ ပြောခဲ့ပါတယ်။