မန်ယူတိုက်စစ်မှူး အန်တိုနီယိုမာရှယ်ကို ခေါ်ယူဖို့ ကမ်းလှမ်းတဲ့အသင်း မရှိသေးဘူးလို့ နည်းပြ ရင်းနစ်ခ်က အတည်ပြုပါတယ်။

မာရှယ်ဟာ အသင်းပြောင်းရွှေ့ခွင့်ပြုဖို့ နည်းပြ ရင်းနစ်ခ်နဲ့ ဆွေးနွေးခဲ့ပြီး ကမ်းလှမ်းတဲ့အသင်း မရှိသေးဘူးလို့ နည်းပြ ရင်းနစ်ခ်က ပြန်ပြောထားတာပါ။

ဒါ့အပြင် ကိုဗစ်ကူးစက်မှုတွေ ရှိလာခဲ့ရင် ကစားသမား လုံလောက်မှုမရှိမှာကို စိုးရိမ်တာကြောင့် မာရှယ်ကို ထွက်ခွာခွင့်မပြုဖို့ နည်းပြ ရင်းနစ်ခ်က ဆန္ဒရှိနေပါတယ်။ 

“သူ့အတွက် ကမ်းလှမ်းလာတဲ့အသင်းက ခုချိန်အထိ မရှိသေးပါဘူး။ ကစားသမားတစ်ယောက်ရဲ့ အကျိုးအတွက်တင်မဟုတ်ဘဲ အသင်းဘက်ကလည်း အကျိုးအမြတ်ရဖို့လိုပါတယ်။ ကမ်းလှမ်းတဲ့ အသင်းမရှိရင်တော့ အသင်းမှာဆက်ရှိပါလိမ့်မယ်” လို့ မာရှယ်ရဲ့ အပြောင်းအရွှေ့နဲ့ ပတ်သက်ပြီး နည်းပြ ရင်းနစ်ခ်က ပြောပါတယ်။