အင်ဒိုနီးရှားနိုင်ငံ မြောက်ပိုင်းဆူမားတြားကျွန်းပေါ်က မီဒန်မြို့မှာ ဒုက္ခသည်  ၁၃၀၀ ကို ဒီဇင်ဘာ ၂၉ ရက်နေ့က ကိုဗစ်-၁၉ ကာကွယ်ဆေး ဒုတိယမြောက်တလုံး ထိုးပေးခဲ့တယ်လို့ ရိုက်တာသတင်းမှာ ဖော်ပြပါတယ်။

ကပ်ဘေး စတင်ခဲ့အချိန်စလို့ အင်ဒိုနီးရှားမှာ ကူးစက်ခံရသူ ၄ ဒသမ ၂ သန်းကျော်နဲ့ သေဆုံးသူ ၁၄၀,၀၀၀ ကျော် ရှိလာပါပြီ။ အခုအချိန်အထိ ကာကွယ်ဆေး အလုံးပေါင်း သန်း ၂၀၀ ကျော်ကို ထိုးပေးနိုင်ခဲ့ပြီလို့ ဆိုပါတယ်။ 

ဒီထဲမှာ လူဦးရေ ၁၄၈ သန်းက ကာကွယ်ဆေး ပထမတလုံးကို ထိုးနှံထားပြီး ၁၀၄ သန်းကတော့ ကာကွယ်ဆေး နှစ်လုံး ထိုးထားပြီး ဖြစ်တယ်လို့ ဆိုပါတယ်။ 

ဒီကိန်းဂဏန်းတွေကို ကြည့်ရင် အင်ဒိုနီရှား လူဦးရေ သန်း ၂၇၀ မှာ ၃၈ ရာခိုင်နှုန်းက ကာကွယ်ဆေး အပြည့် ထိုးထားပြီးပြီလို့ ဆိုရမှာပါ။