ကယ်လီဖိုးနီးယားပြည်နယ် အုပ်ချုပ်ရေးမှူးဟောင်း ရုပ်ရှင်မင်းသားကြီး  အာနိုးလ်ရွှက်ဇနက်ဂါ ဟာ သောကြာနေ့က ပြင်းထန်တဲ့ ယာဉ်တိုက်မှုတခုဖြစ်ခဲ့ပြီး အက်ရှင်ဇာတ်ကားတွေထဲကအတိုင်း ဒဏ်ရာမရရှိဘဲ ဘေးကင်းလွတ်မြောက်ခဲ့ပါတယ်။ 

ယာဉ်တိုက်မှုဖြစ်ပွားရာမှာ ကားလေးစီး ပါဝင်ပြီး အာနိုး မောင်းလာတဲ့ Yukon SUV အနက်ရောင်ကားက အနီရောင် Toyota Prius ကားရဲ့အပေါ်ကို ရောက်ရှိသွားပါတယ်။

တိုယိုတာကားမောင်းသူ  အပြင်းအထန် ဒဏ်ရာရရှိသွားပြီး  တခြားကား နှစ်စီးလည်း ထိခိုက်ပျက်စီးခဲ့ပါတယ်။