မာလီနိုင်ငံရဲ့ စစ်အာဏာသိမ်းမှုက ဒေသတွင်းမှာ ကူးစက်နေပြီး နောက်ဆက်တွဲ အာဏာသိမ်းမှု အန္တရာယ်ရှိတဲ့လမ်းကြောင်းတခု ဖြစ်လာစေတယ်လို့ အဖွဲ့ဝင် ၁၅ နိုင်ငံ ပါရှိတဲ့ အနောက်ဥရောပနိုင်ငံများ စီးပွားရေးပူးပေါင်းဆောင်ရွက်မှုအဖွဲ့ (ECOWAS) ရဲ့ ဥက္ကဋ္ဌက ပြောပါတယ်။

ဖေဖော်ဝါရီ ၃ ရက် ဂါနာနိုင်ငံမှာကျင်းပတဲ့  ECOWAS နိုင်ငံများ ထိပ်သီးအစည်းအဝေးမှာ ဥက္ကဋ္ဌဖြစ်သူ ဂါနာနိုင်ငံသမ္မတက ခုလိုခဲ့တာပါ။

“၂၀၂၀ ဩဂုတ်လမှာ အာဏာသိမ်းမှုဖြစ်ပွားခဲ့တဲ့ မာလီနိုင်ငံဟာ ၂၀၂၁ မှာ မေလမှာ ဒုတိယအကြိမ်အာဏာသိမ်းမှု ထပ်ဖြစ်ခဲ့တယ်။  ပြီးခဲ့တဲ့လက ဘူကီးနားဖာဆိုနိုင်ငံမှာ အာဏာသိမ်းခဲ့ပြီး ဖေဖော်ဝါရီ ၁ ရက်နေ့က ဂင်းနီဗစ်ဆောနိုင်ငံမှာ အာဏာသိမ်းဖို့ကြိုးစားခဲ့တယ်။ နောက်ထပ် တခြားနိုင်ငံတွေဆီ အာဏာသိမ်းမှု ကူးစက်ပျံ့နှံ့မှုမဖြစ်အောင် ဒေသတွင်းနိုင်ငံတွေ စုပေါင်းပြီး ထိထိရောက်ရောက် ဖြေရှင်းဖို့ လိုအပ်ပြီ” လို့ ပြောခဲ့ပါတယ်။

ECOWAS က အာဏာသိမ်းမှုဖြစ်ပွားခဲ့တဲ့ မာလီ၊ ဘာကီနားဖာဆို၊ ဂင်းနီဗစ်ဆောတို့ကို အဖွဲ့ဝင်အဖြစ်ကနေ  ရပ်ဆိုင်းခဲ့ပြီး  စီးပွားရေးပိတ်ဆို့မှုတွေ လုပ်ခဲ့ပါတယ်။