အစ္စရေးစစ်တပ်က ကားတစီးထဲမှာ ရှိနေတဲ့ ပါလက်စတိုင်း သေနတ်သမား ၃ ဦးကို ဖေဖော်ဝါရီ ၈ ရက်နေ့မှာ ပစ်သတ်ခဲ့ပါတယ်။

ဒီကနေ့မှာတော့ ထောင်သောင်းချီတဲ့ ပါလက်စတိုင်းတွေက သေဆုံးသူ ၃ ဦးရဲ့ အသုဘကို ချီတက်လိုက်ပို့ပြီး အစ္စရေးကို ဆန့်ကျင်ခဲ့ကြပါတယ်။

အစ္စရေးတို့ သိမ်းပိုက်ထားတဲ့ အနောက်ဘက်ကမ်းဒေသ နဘလူးစ်မြို့မှာ  ကျည်ပေါက်ရာ အများအပြားနဲ့ သွေးတွေပေကျံနေတဲ့ ကားပတ်လည်မှာ ပါလက်စတိုင်းဒေသခံတွေ စတင် စုဝေးခဲ့တာပါ။

ပါလက်စတိုင်း နိုင်ငံခြားရေးဌာနက အစ္စရေးတို့ရဲ့သတ်ဖြတ်မှုကို ဆိုးရွားရက်စက်တဲ့ အကြမ်းဖက် ရာဇဝတ်မှုအဖြစ် ရှုတ်ချပါတယ်။

အစ္စရေးလုံခြုံရေးဌာနကတော့ သေနတ်သမား ၃ ဦးဟာ ပါလက်စတိုင်း ဖာတာအုပ်စုဝင်၊ အစ္စလမ္မစ်ဂျီဟတ်ဒ် လုပ်ဆောင်နေသူတွေဖြစ်ပြီး မကြာခင်က အစ္စရေးစစ်သားတွေနဲ့  အရပ်သားတွေကို သတ်ဖြတ်ခဲ့တာကြောင့် သုတ်သင်ခဲ့ရတယ်လို့ ဆိုပါတယ်။