နာမည်ကြီး ချင်းတိုင်းရင်းသားအဆိုတော် ၃ ဦးပါဝင်ဖွဲ့စည်းထားတဲ့ Guys From Chin အဖွဲ့က မြန်မာပြည်အတွင်း ခက်ခဲတဲ့နေရာ၊ လိုအပ်တဲ့နေရာတွေအတွက် ထောက်ပံ့ကူညီ ပေးနိုင်ဖို့ ရန်ပုံငွေဖျော်ဖြေပွဲတခု ကျင်းပသွားဖို့ ရှိနေပါတယ်။

Guys From Chin အဖွဲ့ထဲမှာတော့ အိပ်မက်ဆုံရာ သီချင်းဆိုပြိုင်ပွဲရဲ့ Winner ဆုရှင် အဆိုတော် David Lai ၊ မြန်မာအိုင်ဒေါသီချင်းဆိုပြိုင်ပွဲနဲ့ နာမည်ကြီးလာခဲ့တဲ့ အဆိုတော် Benjamin Sum နဲ့ နာမည်ကြီး ချင်းအဆိုတော် P Thawng Bawi တို့ ၃ ယောက် ပါဝင်ကာ ပြီးခဲ့တဲ့ ဇန်နဝါရီ ၅ ရက်မှာ ဖွဲ့စည်းခဲ့တာပါ။

လတ်တလောမှာတော့ သူတို့ ၃ ယောက်လုံးဟာ စစ်အာဏာသိမ်းပြီးချိန်က စတင်ပြီး မြန် မာတဘက်ခြမ်း အိန္ဒိယနိုင်ငံမှာ ရောက်ရှိနေကြတာ ဖြစ်ပါတယ်။

လက်ရှိမှာတော့ Guys From Chin အဖွဲ့ဟာ ဖေ့စ်ဘွတ်ခ်လူမှုကွန်ရက်ပေါ်မှာ ကာဗာသီ ချင်းတွေ သီဆိုဖျော်ဖြေပြီး ပရိသတ်တွေအတွက် မျှဝေပေးနေတာကို တွေ့ရပါတယ်။

သူတို့အဖွဲ့ရဲ့ ရန်ပုံငွေဖျော်ဖြေပွဲကိုတော့ လာမယ့် ဖေဖော်ဝါရီ ၁၃ ရက် မြန်မာစံတော်ချိန် မနက် ၇ နာရီမှာ Vaurawng Zuunthil - Vaan ralvennak ဖေ့စ်ဘွတ်ခ်စာမျက်နှာပေါ်က နေ တိုက်ရိုက်လိုက်ဖ်ဖျော်ဖြေသွားကြမှာဖြစ်လို့ နားဆင်ကြရင်း လှူဒါန်းနိုင်ဖို့ နှိုးဆော် ထားပါတယ်။

“အားလုံးချစ်တဲ့ P Thawng Bawi, David Lai, Benjamin Sum တို့ 😍သီချင်းတွေ အ များကြီးနဲ့ Facebook ကနေ live ဖျော်ဖြေမှာဖြစ်ပါတယ်။ အလှူငွေအများကြီးရနိုင်ဖို့ အဲ့ဒီနေ့မှာ စောင့်ဆိုင်းနားဆင်ပေးခြင်း၊ လှူတန်းခြင်း၊ like and share လုပ်ပေးခြင်းဖြင့် တတ်နိုင်တဲ့ဖက်က ပါဝင်ကြဖို့ တိုက်တွန်းလိုပါတယ်။ အခုတလော ကျနော်တို့အဖွဲ့တင်တဲ့ cover လေးတွေကိုလည်း ကြိုက်နှစ်သက်ကြလိမ့်မယ်လို့ ယုံကြည်ပါတယ်။ အခုတည်းက gofundme ကနေလှုလို့ရပါပြီ။”