close

လှိုင်သာယာတွင် စစ်တပ်လှည့်ကင်းကား အဝေးထိန်းဗုံးဖြင့် ဖောက်ခွဲခံရ

ရန်ကုန်တိုင်း၊ လှိုင်သာယာမြို့နယ်အနောက်ပိုင်းမှာ ကင်းလှည့်နေတဲ့ စစ်ကောင်စီတပ်ရဲ့ ကား ၁ စီး ဖေဖော်ဝါရီ  ၁၂ ရက် မနက် ၅ နာရီကျော်က ဗုံးနဲ့ တိုက်ခိုက်ခံရတယ်လို့ ဒေသခံတွေထံက သိရပါတယ်။

“မနက် အစောကြီး ပေါက်ကွဲသံ ၂ ခါ ကြားရတာ၊ အသံအတော်ကျယ်တယ်၊ စစ်ကောင်စီက လုံခြုံရေးလှည့်ကင်းကား ဗုံးပစ်ခံရတာ” လို့ ဒေသခံ တယောက်က ပြောပါတယ်။

အဆိုပါ လှည့်ကင်းကားကို ဒီနေ့ မနက် အစော ၅ နာရီ ၁၀ မိနစ်လောက်က အဝေးထိန်း ဗုံး ၂ လုံးနဲ့ လှိုင်သာယာမြို့နယ် အနောက်ပိုင်း တပ်ရင်း ၉ သွားရာ လမ်းမှာ  From Zero To Hero(ZTH) အဖွဲ့နဲ့ ပူးပေါင်းတိုက်ခိုက်ခဲ့တာလို့ Black Engle Ranger (BER)က ထုတ်ပြန် ထားပါတယ်။

ဗုံးပစ်တိုက်ခိုက်မှုကြောင့် လှည့်ကင်းကား တစ်စိတ်တပိုင်း ထိခိုက်ခဲ့ကာ နောက်ကြောင်းပြန်လှည့် သွားရတယ်လို့ သိရပါတယ်။

ရန်ကုန်မှာ ဖေဖော်ဝါရီ ၁၁ ရက် ည ၇ နာရီ ကျော်ကလည်း အင်းစိန်မြို့နယ်မှာ ဗုံးပေါက်ကွဲမှု ဖြစ်ပွားခဲ့သလို ကြည့်မြင်တိုင်၊ မရမ်းကုန်းမြို့နယ်တွေမှာလည်း ညပိုင်းမှာ ပေါက်ကွဲမှုတွေ ဆက်တိုက်ဖြစ်ခဲ့တယ်လို့ မြို့ခံတွေဆီက သိရပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
Up