ဩစတြေးလျအစိုးရ ဖမ်းဝရမ်းထုတ်ထားတဲ့ နှစ်ပေါင်း ၁၂ ကြာ တရားခံပြေး ဂရေဟမ် ဂီနီ ပေါ်တာကို ဖေဖော်ဝါရီ ၂၁ ရက်နေ့မှာ ကွင်းစလန်ပြည်နယ်ရဲက ဖမ်းဆီးမိခဲ့ပါတယ်။ 

ပေါ်တာဟာ ၂၀၁၀ ခုနှစ် လူသတ်မှုတခုမှာ ပါဝင်ခဲ့ပြီးနောက် တရားရုံးကနေ ထွက်ပြေးခဲ့တာကြောင့်  ဗစ်တိုရီးယားပြည်နယ်ရဲဌာနက ဖမ်းဝရမ်းထုတ်ထားတာပါ။ 

သူက ၁၉၈၁ မှာ လူသတ်မှုနဲ့ ၁၅ နှစ် ထောင်ကျဖူးခဲ့သူဖြစ်ပြီး  ရာဇဝတ်မှုရာဇဝင် များပြားသူဖြစ်ကာ ဩစတြေးလျရဲ့ နံပါတ်တစ် ဝရမ်းပြေးတဦးလည်း ဖြစ်ပါတယ်။

အသက် ၆၄ နှစ်ရှိ ဝရမ်းပြေး ပေါ်တာကို ရှုပ်ပွနေတဲ့ အခန်းတခန်းမှာ ရဲက ဖမ်းမိခဲ့ပြီး ဖေဖော်ဝါရီ ၂၂ ရက်မှာ တရားရုံးတင်မှာပါ။