ရုရှားနဲ့ ယူကရိန်းကြား ငြိမ်းချမ်းရေး သဘောတူညီချက်ဟာ ယူကရိန်းရဲ့ အချုပ်အခြာနဲ့ ပိုင်နက် ဂုဏ်သိက္ခာကို လေးစားရမှာ ဖြစ်သလို ရုရှားအပေါ် ဥရောပရဲ့ ဒဏ်ခတ်မှု ဖြေလျှော့စေရေး အလိုအလျောက် ဦးတည်သွားမှာမဟုတ်ဘူးလို့ ဒတ်ချ်ဝန်ကြီးချုပ် မာ့ခ်ရုသ်က မတ် ၃၀ ရက်နေ့မှာ ပြောလိုက်ပါတယ်။

စပိန်နိုင်ငံ အလည်အပတ် ခရီးစဉ်အတွင်း မက်ဒရစ်မြို့က ပရာဒိုပြတိုက်မှာ မိန့်ခွန်းပြောချိန်အတွင်း ဒတ်ချ်ဝန်ကြီးချုပ်က အခုလို ပြောလိုက်တာပါ။

"ယူကရိန်းရဲ့ အချုပ်အခြာနဲ့ ပိုင်နက်တွေ ဆုံးရှုံးပြီး သေနတ်နဲ့ထောက်ရင်း ရလာတဲ့ ငြိမ်းချမ်းရေး သဘောတူညီချက် ဆိုတာဟာ ပုံမှန်ပြန်ရောက်ဖို့ နည်းလမ်းမဟုတ်ဘူး၊ ကျနော်တို့ရဲ့ ဒဏ်ခတ်မှုတွေကို ပြေလျှော့စေရေး အလိုအလျောက် ဦးတည်သွားမှာလည်း မဟုတ်ဘူး။"

ဒတ်ချ်ဝန်ကြီးချုပ်ရဲ့ ဟောပြောပွဲကို စပိန်ဝန်ကြီးချုပ် ပေဒရို ဆန်းချက်ဇ်က မိတ်ဆက်ပေးခဲ့ပါတယ်။