ဆီးဂိမ်းဘောလုံးပြိုင်ပွဲယှဉ်ပြိုင်ဖို့ ဗီယက်နမ်ကို ရောက်ရှိနေတဲ့ မြန်မာယူ-၂၃   အမျိုးသားအသင်းဟာ မေ ၃ ရက်နေ့က လေ့ကျင့်မှုတွေ စတင်ပြုလုပ်ခဲ့ပါတယ်။ 

မြန်မာယူ-၂၃ အသင်းဟာ ဆီးဂိမ်းမတိုင်ခင် ယူအေအီးနိုင်ငံမှာ လေ့ကျင့်မှုတွေပြုလုပ်ခဲ့ပြီး မြန်မာနိုင်ငံ ပြန်မလာတော့ဘဲ ဗီယက်နမ်နိုင်ငံကို တိုက်ရိုက်သွားရောက်ခဲ့တာပါ။ 

မေ ၁ ရက်က ဗီယက်နမ်နိုင်ငံ ဟမ်နွိုင်းမြို့ကို ရောက်ရှိခဲ့တဲ့ မြန်မာအသင်းဟာ ပြိုင်ပွဲဝင်နိုင်ငံတွေ အားလုံးထဲမှာ အစောဆုံးရောက်လာတဲ့အသင်း ဖြစ်ခဲ့ပါတယ်။ 

မေ  ၂ ရက်နေ့မှာ ထိုင်းလိဂ်မှာ ကစားနေတဲ့ ကစားသမား ၃ ဦးနဲ့ မလေးရှားလိဂ်က ၁ ဦး လာရောက် ပူးပေါင်းခဲ့ပြီးနောက် မေလ ၃ ရက်နေ့မှာ ကစားသမားအစုံအလင်နဲ့ လေ့ကျင့်မှုတွေ စတင်ပြုလုပ်ခဲ့တာပါ။ 

မြန်မာယူ -၂၃ အသင်းမှာ သက်ကျော်ကစားသမား ၇ ဦးအပါအဝင် စုစုပေါင်း ၂၉ ဦးပါဝင်ပြီး မေ ၅ ရက်နေ့မှာ အပြီးသတ်လူစာရင်းထုတ်ပြန်မယ်လို့ သိရပါတယ်။ 

မြန်မာအသင်းဟာ မေ ၈ ရက်နေ့မှာ အုပ်စုအဖွင့်ပွဲစဉ်အဖြစ်  အရှေ့တီမောအသင်းနဲ့ စတင်ယှဉ်ပြိုင်ရမှာပါ။ အဲဒီနောက် မေ ၁၀ ရက်မှာ ဖိလစ်ပိုင်၊ ၁၃ ရက်မှာ ဗီယက်နမ်၊ ၁၅ ရက်မှာ အင်ဒိုနီးရှားအသင်းတွေနဲ့ ဆက်လက်ယှဉ် ပြိုင်ကစားသွားမှာ ဖြစ်ပါတယ်။