အမေရိကန် ကာကွယ်ရေးဝန်ကြီး အော်စတင်ဟာ ဂျပန် ကာကွယ်ရေးဝန်ကြီး နိုဘို ကီရှိကို မေ ၄ ရက်က ပင်တဂွန်စစ်ဌာနချုပ်မှာ လက်ခံတွေ့ဆုံပြီး ယူကရိန်းအတွက် နှစ်နိုင်ငံပူးတွဲ အကူအညီတွေပေးဖို့ ကိစ္စနဲ့ မြောက်ကိုရီးယားရဲ့ ခြိမ်းခြောက်မှုကို ဆွေးနွေးကြတယ်လို့ ရိုက်တာသတင်းက ဆိုပါတယ်။

မြောက်ကိုရီးယားဟာ နျူကလီးယားလက်နက်ကို အမြန်ဆုံးနည်းနဲ့ ရရှိအောင် ကြိုးပမ်းနေတယ်လို့ တောင်ကိုရီးယားနဲ့ ဂျပန်က သတိပေးနေတဲ့ကြားက မေ ၄ ရက်မှာ ပြုံယမ်းဟာ အရှေ့ဘက်က ပင်လယ်ကို မစ်ဇိုင်းဒုံးကျည် စမ်းသပ် ပစ်လွှတ်ခဲ့ပြန်ပါတယ်။

ဒါဟာ ဒီနှစ်အတွင်းမှာ မြောက်ကိုရီးယားရဲ့ ၁၄ ကြိမ်မြောက် လက်နက်စမ်းသပ်မှု ဖြစ်ပါတယ်။ တောင်ကိုရီယားနိုင်ငံဘက်မှာတော့ မေ ၁၀ ရက်ကျရင် သမ္မတသစ်ရာထူး လက်ခံဖို့ ရှိနေတာပါ။

မြောက်ရီးယားရဲ့ ဒီလုပ်ရပ်တွေဟာ ဘယ်လိုမှ လက်ခံနိုင်စရာ မရှိဘူးလို့ ဂျပန် ကာကွယ်ရေးဝန်ကြီးက ပြောပါတယ်။

အမေရိကန်အစိုးရကလည်း မြောက်ကိုရီးယားရဲ့ ဒီလုပ်ရပ်တွေကို ပြစ်တင်ရှုတ်ချပြီး မြောက်ကိုရီးယားရဲ့ နျူကလီးယားနဲ့ မစ်ဇိုင်းဒုံးကျည် စမ်းသပ်နေတဲ့ ကိစ္စကို ရပ်တန့်ဖို့အရေး ဆွေးနွေးပွဲတွေကို ပြန်လာဖို့ မြောက်ကိုရီးယားကို တောင်းဆိုထားပါတယ်။