ထိုင်းနိုင်ငံနေရာအများစုမှာ လာမယ့် မေ ၂၇ ရက်ကနေ ၃၁ ရက်အထိ ၅ ရက်အတွင်း မိုးသည်းထန်စွာ ရွာသွန်းနိုင်ပြီး ရေကြီးရေလျှံမှုတွေ ဖြစ်ပေါ်နိုင်ကြောင်း ထိုင်းမိုးလေဝသဌာနက သတိပေးထုတ်ပြန်ထားပါတယ်။

နိုင်ငံအရှေ့မြောက်ပိုင်း၊ အလယ်ပိုင်း၊ အရှေပိုင်းနဲ့ တောင်ပိုင်းဒေသတွေမှာ နေရာကွက်ကျား မိုးသည်းထန်စွာ ရွာသွန်းနိုင်ကြောင်းနဲ့ အဆိုပါကာလအတွင်း နိုင်ငံတွင်း ဖြတ်ကျော်ဝင်ရောက်လာတဲ့ အနောက်တောင်မုတ်သုံလေဟာ ကပ္ပလီပင်လယ်ပြင်နဲ့ ထိုင်းပင်လယ်ကွေ့တို့မှာ အားကောင်းနေမယ်လို့ ဆိုပါတယ်။

ထိုင်းမိုးလေဝသဌာနက အဆိုပါရက်တွေအတွင်း ကပ္ပလီပင်လယ်ပြင်နဲ့ ထိုင်းပင်လယ်ကွေ့တို့မှာ လှိုင်းအသင့်အတင့်ကနေ လှိုင်းအမြင့် ၂ မီတာမှ ၃ မီတာအထိ၊ ကပ္ပလီပင်လယ်ပြင်အထက်ပိုင်းမှာ ၂ မီတာမှ ၃ မီတာအထိနဲ့ မိုးထစ်ချုန်း ရွာချိန် လှိုင်းအမြင့် ၃ မီတာအထိ ရိုက်ခတ်နိုင်ကြောင်းလည်း သတိပေးထားပါတယ်။

ဒါကြောင့်မို့ ပြည်သူတွေအနေနဲ့ ရုတ်တရက် မိုးသည်းထန်ပြီး ရေကြီးရေလျှံမှုတွေ ဖြစ်ပေါ်စေနိုင်တာကို သတိပြုကြဖို့နဲ့ သင်္ဘောတွေ၊ လှေငယ်တွေကိုလည်း ကမ်းလွန်ပင်လယ်ပြင်တွင်း ရှောင်ရှားကြဖို့အတွက် သတိပေးထားတယ်လို့ ဆိုပါတယ်။

၅ ရက်အတွက် မိုးလေဝသခန့်မှန်းချက်အနေနဲ့ နိုင်ငံမြောက်ပိုင်းမှာ မိုးထစ်ချုန်းရွာနိုင်ချေ ၄၀ ရာခိုင်နှုန်းကနေ ၆၀ ရာခိုင်နှုန်းအထိ ရှိနေပြီး အနိမ့်ဆုံးအပူချိန် ၂၃ ဒီဂရီစင်တီဂရိတ်ကနေ ၂၇ ဒီဂရီစင်တီဂရိတ်နဲ့ အမြင့်ဆုံးအပူချိန် ၂၉ ဒီဂရီစင်တီဂရိတ်ကနေ ၃၇ ဒီဂရီစင်တီဂရိတ်ထိ ရှိနိုင်တယ်လို့ ဆိုပါတယ်။

နိုင်ငံအရှေ့မြောက်ပိုင်းမှာတော့ မိုးပြင်းပြင်းထန်ထန်ထစ်ချုန်းရွာနိုင်ချေ ၆၀ ရာခိုင်နှုန်းကနေ ၇၀ ရာခိုင်နှုန်းအထိ ရှိနေပြီး အနိမ့်ဆုံးအပူချိန် ၂၂ ဒီဂရီစင်တီဂရိတ်ကနေ ၂၆ ဒီဂရီစင်တီဂရိတ်နဲ့ အမြင့်ဆုံးအပူချိန် ၃၀ ဒီဂရီစင်တီဂရိတ် ကနေ ၃၄ ဒီဂရီစင်တီဂရိတ်ထိ ရှိနိုင်တယ်လို့ ဆိုပါတယ်။

နိုင်ငံအလယ်ပိုင်းမှာ မိုးထစ်ချုန်းရွာနိုင်ချေ ၄၀ ရာခိုင်နှုန်းကနေ ၆၀ ရာခိုင်နှုန်းအထိ ရှိနေပြီး အနိမ့်ဆုံးအပူချိန် ၂၂ ဒီဂရီစင်တီဂရိတ်ကနေ ၂၆ ဒီဂရီစင်တီဂရိတ်နဲ့ အမြင့်ဆုံးအပူချိန် ၃၀ ဒီဂရီစင်တီဂရိတ်ကနေ ၃၅ ဒီဂရီစင်တီဂရိတ်ထိ ရှိနိုင်တယ်လို့ ဆိုပါတယ်။

ဒါ့အပြင် နိုင်ငံအရှေ့ပိုင်းမှာတော့ မိုးထစ်ချုန်းရွာနိုင်ချေ ၆၀ ရာခိုင်နှုန်းကနေ ၇၀ ရာခိုင်နှုန်းအထိ ရှိနေပြီး အနိမ့်ဆုံးအပူချိန် ၂၃ ဒီဂရီစင်တီဂရိတ်ကနေ ၂၈ ဒီဂရီစင်တီဂရိတ်နဲ့ အမြင့်ဆုံးအပူချိန် ၂၉ ဒီဂရီစင်တီဂရိတ်ကနေ ၃၄ ဒီဂရီ စင်တီဂရိတ်ထိ ရှိနိုင်ကာ မြေပြင်လှိုင်းအမြင့် ၂ မီတာထိရှိနိုင်ပြီး မိုးထစ်ချုန်းရွာချိန်မှာတော့ ၂ မီတာအထက် ရှိနိုင်တယ်လို့ ဆိုပါတယ်။

နိုင်ငံတောင်ပိုင်း အရှေ့ဘက်ကမ်းရိုးတန်းမှာတော့ ပြင်းပြင်းထန်ထန်မိုးထစ်ချုန်းရွာနိုင်ချေ ၄၀ ရာခိုင်နှုန်းကနေ ၆၀ ရာခိုင်နှုန်းအထိ ရှိနေပြီး အနိမ့်ဆုံးအပူချိန် ၂၃ ဒီဂရီစင်တီဂရိတ်ကနေ ၂၆ ဒီဂရီစင်တီဂရိတ်နဲ့ အမြင့်ဆုံးအပူချိန် ၂၈ ဒီဂရီစင်တီဂရိတ်ကနေ ၃၅ ဒီဂရီ စင်တီဂရိတ်ထိ ရှိနိုင်ကာ မြေပြင်လှိုင်းအမြင့် ၁ မီတာကနေ ၂ မီတာထိရှိနိုင်ပြီး ကမ်းရိုးတန်းတလျှောက်မှာတော့ ၂ မီတာအထက် ရှိနိုင်တယ်လို့ ဆိုပါတယ်။

နိုင်ငံတောင်ပိုင်း အနောက်ဘက်ကမ်းရိုးတန်းမှာတော့ ပြင်းပြင်းထန်ထန်မိုးထစ်ချုန်းရွာနိုင်ချေ ၆၀ ရာခိုင်နှုန်းကနေ ၇၀ ရာခိုင်နှုန်းအထိ ရှိနေပြီး အနိမ့်ဆုံးအပူချိန် ၂၃ ဒီဂရီစင်တီဂရိတ်ကနေ ၂၈ ဒီဂရီစင်တီဂရိတ်နဲ့ အမြင့်ဆုံးအပူချိန် ၃၀ ဒီဂရီစင်တီဂရိတ်ကနေ ၃၄ ဒီဂရီ စင်တီဂရိတ်ထိ ရှိနိုင်ကာ မြေပြင်လှိုင်းအမြင့် ၂ မီတာကနေ ၃ မီတာထိရှိနိုင်ပြီး မိုးထစ်ချုန်းရွာချိန်မှာတော့ ၃ မီတာအထက် ရှိနိုင်တယ်လို့ ဆိုပါတယ်။

မြို့တော်ဘန်ကောက်နဲ့ အနီးတဝိုက်ဧရိယာတွေမှာတော့ နေ့လယ်ပိုင်းကနေ ညနေပိုင်းအထိ မိုးထစ်ချုန်းရွာနိုင်ချေ ၄၀ ရာခိုင်နှုန်းကနေ ၆၀ ရာခိုင်နှုန်းအထိ ရှိနေပြီး အနိမ့်ဆုံးအပူချိန် ၂၄ ဒီဂရီစင်တီဂရိတ်ကနေ ၂၈ ဒီဂရီစင်တီဂရိတ်နဲ့ အမြင့်ဆုံးအပူချိန် ၃၁ ဒီဂရီစင်တီဂရိတ်ကနေ ၃၄ ဒီဂရီ စင်တီဂရိတ်ထိ ရှိနိုင်တယ်လို့ ဆိုပါတယ်။