close

ယူကရိန်းစစ်သင်္ဘောနှင့်သင်္ဘောဖျက်ဒုံးကျည်များကို ရုရှားဖျက်ဆီးပစ်

ရုရှားစစ်တပ်က ယူကရိန်းစစ်သင်္ဘောတစီးနဲ့ ယူကရိန်းနိုင်ငံ ဆိပ်ကမ်းမြို့ အိုဒက်ဆာတို့မှာ အမေရိကန်က ထောက်ပံ့ထားတဲ့ ဟာပွန်းသင်္ဘောဖျက်ဒုံးကျည်တွေကို ဖျက်ဆီးခဲ့တယ်လို့ ရုရှားကာကွယ်ရေးဝန်ကြီးဌာနက ဇူလိုင် ၂၄ ရက်က ပြောခဲ့ပါတယ်။

 "သင်္ဘောပြုပြင်တဲ့ စက်ရုံပိုင်နက်နယ်မြေထဲက အိုဒက်ဆာ ဆိပ်ကမ်းမှာ ရှိတဲ့ တာဝေးပစ် ပဲ့ထိန်း ဒုံးကျည်တွေ၊ ဆိပ်ကမ်းမှာ ဆိုက်ကပ်ထားတဲ့ ယူကရိန်းစစ်သင်္ဘောတစ်စင်းနဲ့ အမေရိကန်က ထောက်ပံ့ပေးတဲ့ Harpoon သင်္ဘောဖျက်ဒုံးကျည်တွေ ထားရာ သိုလှောင်ရုံတစ်ခု ပျက်စီး သွားခဲ့တယ်” လို့ ရုရှားကာကွယ်ရေး ဝန်ကြီးဌာနက ပြောပါတယ်။

ပင်လယ်နက်ဆိပ်ကမ်းတွေကနေ ကောက်ပဲသီးနှံ တင်ပို့မှုတွေကို ပိတ်ဆို့တိုက်ခိုက်နေတဲ့ စစ်ပွဲ ကြောင့် ကမ္ဘာလုံးဆိုင်ရာ စားနပ်ရိက္ခာပြတ်လပ်မှုကို လျှော့ချဖို့ တစ်ရက်စောပြီး လက်မှတ်ရေးထိုးခဲ့တဲ့ သဘောတူညီချက်ကို ရုရှားဒုံးကျည်တွေက ဇူလိုင် ၂၃ ရက်မှာ ခြိမ်းခြောက်ခဲ့တယ်လို့ ယူကရိန်းစစ်တပ်က ပြောခဲ့ပါတယ်။

//
Up