စစ်အာဏာရှင်ရဲ့ အကျဉ်းထောင်ထဲမှာ ကျဆုံးသွားခဲ့တဲ့ကြတဲ့ ကိုဂျင်မီ၊ ကိုဖြိုးဇေယျာသော်၊ ကိုလှမျိုးအောင်နဲ့ ကိုအောင်သူရဇော်တို့ကို  ဂုဏ်ပြုတဲ့အနေနဲ့  “ရဲရင့်သောကြယ်တာရာတို့အတွက် သန္နိဋ္ဌာန်ပြု ဦးညွှတ်ပွဲ”လို့ အမည်ပေးထားတဲ့ လူထုစုရုံးလှုပ်ရှားမှုတခုကို  ဇူလိုင် ၂၆  ရက်ညက  အမေရိကန်ပြည်ထောင်စု၊ နယူးယောက်မြို့မှာ ပြည်ပရောက်မြန်မာတွေက ပြုလုပ်ခဲ့ကြပါတယ်။  

NYCBC အဖွဲ့က  ဦးစီးကျင်းပပြီး နယူးယောက်ရှိ မြန်မာပြည်ဖွား  ၃၀၀ ကျော်လောက်ပါဝင်တဲ့ ဒီလှုပ်ရှားမှုမှာ အကြမ်းဖက် စစ်ကောင်စီ​ရဲ့ ထောင်တွင်း လူမဆန်စွာ ကွပ်မျက်မှုကြောင့် ကြွေလွင့်သွားခဲ့တဲ့ အာဇာနည် ကိုကျော်မင်းယု (ခ) ကိုဂျင်မီ၊  ကိုဖြိုးဇေယျာသော်၊ ကိုလှမျိုးအောင်နဲ့ ကိုအောင်သူရဇော်တို့ကို ဂုဏ်ပြုဦးညွှတ်ခဲ့ပြီး၊ အရေးတော်ပုံအောင်မြင်တဲ့အထိ ကြိုးစားတွန်းလှန်မယ်လို့  သန္နိဋ္ဌာန်ပြုခဲ့ ကြပါတယ်။

အာဇာနည်ရဲဘော် ၄ ဦးနဲ့အတူ ဖမ်းဆီးအကျဉ်းကျခံနေရတဲ့ တော်လှန်ရေးရဲဘော်တွေ၊ အသက်ဆုံးရှုံးခဲ့ရတဲ့ တော်လှန်ရေးရဲဘော်တွေ အားလုံးအတွက်လည်း ဆုတောင်း မေတ္တာပို့သခဲ့ကြ ပါတယ်။