ယူကရိန်းတပ်တွေရဲ့ တိုက်ခိုက်မှုတွေကို ချေမှုန်းဖို့ ယူကရိန်းတောင်ပိုင်းမှာ ရုရှားတပ်တွေ ပြန်စုဖွဲ့နေတယ်လို့ ယူကရိန်း တောင်ပိုင်းစစ်ဌာနချုပ်က ဩဂုတ် ၃ ရက်မှာ ပြောပါတယ်။

ရုရှားတပ်ဖွဲ့တွေက ယူကရိန်းတောင်ပိုင်း ခါဆွန်ဒေသကို ထိုးစစ်ဆင်ဖို့ ပြင်ဆင်နေတယ်လို့လည်း ယူကရိန်းနိုင်ငံပိုင် သတင်းအေဂျင်စီက အဲဒီနေ့မှာပဲ ဖော်ပြခဲ့ပါတယ်။

ယူကရိန်းအနောက်ပိုင်း လဗစ်စ် အော့ဘလပ်စ်ဒေသထဲက ရက်ဒယ်ခစ်ဗ်မြို့မှာရှိတဲ့ ဂိုဒေါင်တခုကို ရုရှားတပ်တွေက ဒုံးကျည်တွေနဲ့ ပစ်ခတ်တိုက်ခိုက်ခဲ့ပြီး ပိုလန်နိုင်ငံကနေ ပေးပို့ထားတဲ့ လက်နက်တွေ ခဲယမ်းမီးကျောက်တွေ အမြောက်အမြားကို ဖျက်ဆီးခဲ့တယ်လို့ ရုရှားကာကွယ်ရေးဝန်ကြီးဌာနက နေ့စဉ် သတင်းစာရှင်းလင်းပွဲမှာ ပြောခဲ့ပါတယ်။

ရုရှားသမ္မတ ဗလာဒီမာပူတင်ဟာ ဖေဖော်ဝါရီနှောင်းပိုင်းမှာ ယူကရိန်းအပေါ် အထူးစစ်ဆင်ရေးတရပ် ကြေညာပြီးကတည်းက ရုရှား-ယူကရိန်း ပဋိပက္ခဟာ အခုဆိုရင် အချိန် ငါးလကျော် ကြာနေခဲ့ပါတယ်။