ခရစ္စတယ်ပဲလေ့နောက်ခံလူ အန်ဒါဆန်ဟာ လီဗာပူးနဲ့ တစ်ဂိုးစီသရေကျတဲ့ပွဲစဉ်အပြီးမှာ အသက်အန္တရာယ်ခြိမ်းခြောက်ခံနေရပါတယ်။

သူဟာ လီဗာပူးတိုက်စစ်မှူး ဒါဝင်နူနက်ဇ်ကို အနီကတ်ပြသခံရအောင် တမင်ဆွကစားခဲ့တယ်လို့ လီဗာပူးပရိသတ်တွေကယူဆပါတယ်။

အဲဒီပွဲစဉ်မှာ ဒါဝင်နူနက်ဇ်ဟာ အန်ဒါဆန်နဲ့ မကြာခဏတွန်းထိုးမှုတွေဖြစ်ခဲ့ပြီး နောက်ဆုံးမှာတော့ စိတ်မထိန်းနိုင်ဘဲကိုယ်ထိလက်ရောက်ကျူးလွန်ခဲ့လို့ အနီကတ်ပြသ အထုတ်ခံခဲ့ရတာပါ။

အဲဒါနဲ့ ပတ်သက်ပြီး အင်ဒါဆန်ကို အင်စတာဂရမ်ကနေ အသက်အန္တရာယ်ခြိမ်းခြောက်တဲ့စာတို စုစုပေါင်း ၄၀၀ နီးပါး လက်ခံရရှိခဲ့တာပါ။

အန်ဒါဆန်ကိုယ်တိုင်ကလည်း အဲဒီလို ခြိမ်းခြောက်ခံနေရကြောင်းကို အင်စတာဂရမ် ပေါ်ပြန်တင်ခဲ့ပြီး ဘောလုံးအသင်းတစ်သင်းကို အားပေးတာကို နားလည်းနိုင်ပေမဲ့ လေးစားမှုရှိဖို့လိုအပ်ပြီး အွန်လိုင်ကနေ ခြိမ်းခြောက်စာပို့နေတာတွေကို ရပ်တန့်ဖို့ ရေးသားထားပါတယ်။

ခရစ္စတယ်ပဲလေ့အသင်းတာဝန်ရှိသူတွေကတော့ သူတို့ရဲ့ကစားသမားအပေါ် ခြိမ်းခြောက်မှုတွေ အတွက် ရဲတပ်ဖွဲ့ကို တိုင်ကြားထားတယ်လို့သိရပါတယ်။