ဘာလီကျွန်းတွင် အင်အား ရစ်ချ်တာစကေး ၅ ဒသမ ၅ အဆင့် ငလျင်လှုပ်ခတ်
အင်ဒိုနီးရှားနိုင်ငံ ဘာလီကျွန်းမှာ ပြင်းအား ရစ်ချ်တာစကေး ၅ ဒသမ ၅ အဆင့်ရှိတဲ့ ငလျင်တစ်ခု သြဂုတ် ၂၂ ရက်က လှုပ်ခတ်သွားခဲ့ပြီး ပျက်စီးဆုံးရှုံးမှုနဲ့ အသေအပျောက်စာရင်းတွေကို ချက်ချင်း မထုတ်ပြန်သေးဘူးလို့ အင်ဒိုနီးရှားနိုင်ငံရဲ့ မိုးလေဝသနဲ့ ဘူမိရူပဗေဒအေဂျင်စီ (BMKG) က ပြောပါတယ်။
ငလျင်လှုပ်ချိန် တစ်မိနစ်လောက် ကြာမြင့်ခဲ့ပြီး အဆောက်အအုံတွေဆီက လူအများအပြား လမ်းမတွေပေါ်ကို ပြေးထွက်ခဲ့ကြတယ်လို့ မျက်မြင်တွေ့ရှိသူတွေက ပြောပါတယ်။
ဒေသစံတော်ချိန် ညနေ ၄ နာရီခွဲလောက်မှာ ငလျင်လှုပ်ခဲ့တာ ဖြစ်ပြီး ဘာလီကျွန်းနဲ့ အနားက လွန်မ်ဘုတ်ခ်ကျွန်းတွေမှာ ငလျင်ကို ခံစားခဲ့ရတယ်လို့ မျက်မြင်သက်သေတွေက ပြောပါတယ်။
ဒေသဆိုင်ရာနှင့် နိုင်ငံလုံးဆိုင်ရာ သဘာဝဘေးလျော့ပါးရေးအေဂျင်စီတွေက တာဝန်ရှိသူတွေက မှတ်ချက်ပေးဖို့ တောင်းဆိုချက်ကို ချက်ချင်း မတုံ့ပြန်သေးပါဘူး။ ဆူနာမီ ဖြစ်မယ်လို့ မျှော်လင့်မထားဘူးလို့ BMKG က ပြောခဲ့ပါတယ်။
