ဆောက်သမ်တန်အသင်းနဲ့ ကန်မယ့်ပွဲစဉ်မှာ ကွင်းလယ်ကစားသမားသစ် ကတ်စမဲရိုး ပါဝင်ကစားဖို့အသင့်ရှိကြောင်း မန်ယူနိုက်တက်နည်းပြအဲရစ်တန်ဟတ်ဂ်က ပြောပါတယ်။

မန်ယူအသင်းဟာ မနက်ဖန် စနေနေ့ ညနေ ၆ နာရီမှာ ဆောက်သမ်တန်အသင်းနဲ့ အဝေးကွင်းမှာ သွားရောက်ရင်ဆိုင်ရမှာပါ။

ကတ်စမဲရိုးဟာ အသင်းနဲ့ ပူးပေါင်းတာရက်ပိုင်းပဲရှိသေးပေမဲ့ ကြံ့ခိုင်မှုပြည့်ဝနေပြီး ပါဝင်ကစားနိုင်ကြောင်း နည်းပြတန်ဟတ်ဂ်က အတည်ပြုသွားတာပါ။

“ကတ်စမဲရိုး ပါဝင်ကစားဖို့အသင့်ပါပဲ။ လေ့ကျင့်ရေး အစီအစဉ်အားလုံးကို သူလုပ်ထားတယ်။ တစ်ဦးချင်း လေ့ကျင့်ခဲ့ပြီးနောက် အသင်းနဲ့အတူလည်းလေ့ကျင့်နိုင်ခဲ့တယ်”လို့ အဲရစ်တန်ဟတ်ဂ်က ပြောပါတယ်။

တိုက်စစ်မှူး မာစီယယ်ကတော့ ဒဏ်ရာအခြေအနေ အရှင်းမပျောက်သေးတဲ့အတွက် ပါဝင်ကစားနိုင်ဖို့မသေချာကြောင်းလည်း နည်းပြတန်ဟတ်ဂ်က သသိပေးသွားပါတယ်။