ချဲလ်ဆီးအသင်းဟာ လစ်လပ်သွားတဲ့ နည်းပြချုပ်နေရာမှာ ဘရိုက်တန်နည်းပြ ဂရေဟမ်ပေါ်တာကို ခေါ်ယူခန့်အပ်ဖို့ ဆွေးနွေးနေပါတယ်။

ချန်ပီယံလိဂ်ပြိုင်ပွဲအုပ်စုအဖွင့်ပွဲစဉ်မှာ ဒိုင်နမိုဇာဂရတ်ကို ၁ ဂိုး ဂိုးမရှိနဲ့ ရှုံးနိမ့်ခဲ့ပြီးနောက်မှာ နည်းပြတူချယ်ကို ချဲလ်ဆီးအသင်းက ထုတ်ပယ်လိုက်တာပါ။

လက်ရှိအချိန်မှာတော့ ဂရေဟမ်ပေါ်တာနဲ့ ဆွေးနွေးဖို့ ဘရိုက်တန်အသင်းကလည်း ခွင့်ပြုချက်ပေးလိုက်တာကြောင့် မကြာခင်မှာပဲ သဘောတူညီမှုရယူနိုင်ဖို့ရှိပါတယ်။

အင်္ဂလန်လူမျိုးနည်းပြ ဂရေဟမ်ပေါ်တာကို ခေါ်ယူမယ်ဆိုရင် လျော်ကြေး စတာလင်ပေါင် ၁၂ သန်းလောက် ပေးချေရဖို့ရှိပြီး နည်းပြအဖွဲ့ဝင် သုံးယောက်လည်း ပါဝင်လာမှာဖြစ်ကြောင်း တယ်လီဂရပ်ဖ်သတင်းမှာ ဖော်ပြပါတယ်။

ပေါ်တာဟာ ပွဲစဉ် ၆ ပွဲမှာ ၄ ပွဲနိုင် ၁ ပွဲသရေ ၁ ပွဲ ရှုံးရလဒ်နဲ့ ဘရိုက်တန်အသင်းကို အဆင့် ၄ နေရာမှာ ရပ်တည်နိုင်အောင် စွမ်းဆောင်ပြထားတာပါ။

ဂရေဟမ်ပေါ်တာနဲ့ အဆင်မပြေဖြစ်ခဲ့ရင်တော့ ပိုချက်တီနို၊ ဇီဒန်းတို့ကို ခေါ်ယူဖို့ ကြိုးပမ်းမယ်လို့ သိရပါတယ်။