ရုရှားသမ္မတပူတင်၊ အိန္ဒိယဝန်ကြီးချုပ် မိုဒီတို့နှင့် တွေ့ဆုံမည့်ကိစ္စ တရုတ်သမ္မတရှီကျင့်ဖျင် ငြင်းဆို
ခုသီတင်းပတ်မှာ ကျင်းပမယ့် ရှန်ဟိုင်း ပူးပေါင်းဆောင်ရွက်ရေးအဖွဲ့ ဒေသတွင်း လုံခြုံရေးအဖွဲ့ ထိပ်သီးအစည်းအဝေးအတွင်း တရုတ်သမ္မတ ရှီကျင့်ဖျင်က ရုရှားသမ္မတ ဗလာဒီမာပူတင်နဲ့ အိန္ဒိယ၀န်ကြီးချုပ် နရင်ဒြာမိုဒီတို့နဲ့ တွေ့ဆုံမလားဆိုတာကို ပြောဖို့ စက်တင်ဘာ ၁၃ ရက် သတင်းစာရှင်းလင်းပွဲမှာ ငြင်းဆိုလိုက်ပါတယ်။
“လောလောဆယ် ထုတ်ပြန်ဖို့ သတင်းအချက်အလက် မရှိသေးပါဘူး၊ သက်ဆိုင်ရာ အချက်အလက်တွေရှိရင် အချိန်မီ ထုတ်ပြန်ပေးမှာပါ” လို့ တရုတ်နိုင်ငံခြားရေး ဝန်ကြီးဌာန ပြောရေးဆိုခွင့်ရှိသူ မော်နင်းက ပြောပါတယ်။
ထိပ်သီးအစည်းအဝေးကို စက်တင်ဘာ ၁၅ ရက်မှာ ဥဇဘက်ကစ္စတန်နိုင်ငံမှာ ကျင်းပမှာပါ။ ရှီဟာ ကာဇက်စတန်နဲ့ ဥဇဘက်ကစ္စတန်နိုင်ငံတွေဆီကို စက်တင်ဘာ ၁၄ ရက်ကနေ ၁၆ ရက်အထိ သွားမယ်လို့ တရုတ်နိုင်ငံခြားရေးဝန်ကြီးဌာနက စက်တင်ဘာ ၁၂ ရက်မှာ ပြောပါတယ်။
တရုတ်နိုင်ငံဟာ ကိုဗစ်-၁၉ ကပ်ရောဂါကြောင့် နယ်နိမိတ်တွေကို ပိတ်ထားခဲ့လို့ ဒီခရီးစဉ်ဟာ ရှီကျင့်ဖျင်အတွက် ကပ်ရောဂါစအပြီး ပထမဆုံးနိုင်ငံရပ်ခြားခရီးစဉ် ဖြစ်လာပါတယ်။
