အင်္ဂလန်လက်ရွေးစင်အသင်းလူရင်းမှာ နောက်ခံလူ ဘင်ဝှိုက်ကို ချန်လှပ်ခဲ့တဲ့အပေါ် အာဆင်နယ် နည်းပြအာတီတာက အပြစ်တင်စကား ဆိုခဲ့ပါတယ်။

နောက်ခံလူဘင်ဝှိုက်ကို ဒဏ်ရာပြဿနာရှိလို့ ချန်လှပ်ခဲ့တယ်လို့ သတင်းထွက်ခဲ့ပေမယ့် ဘရန့်ဖို့ဒ်နဲ့ပွဲစဉ်မှာ ပါဝင်ကစားဖို့ အသင့်ရှိနေကြောင်း နည်းပြအာတီတာက ဖြေရှင်းခဲ့ပါတယ်။

ဘင်ဝှိုက်ဟာ ဗဟိုခံစစ်နဲ့ ညာစွန်နေရာတွေမှာ ကစားနိုင်ပြီး ဒီလိုနှစ်နေရာ ကစားနိုင်တဲ့နောက်ခံလူကို နည်းပြတိုင်းက အလိုရှိကြောင်း အာတီတာကပြောပါတယ်။

ဒါပေမဲ့နည်းပြဆောက်ဂိတ်က ဘင်ဝှိုက်ကို မရွေးချယ်ခဲ့တာကတော့ သူ့ရဲ့ဆုံးဖြတ်ချက်သာဖြစ်ပြီး သူယုံကြည်သလို လုပ်ဆောင်တာ ဖြစ်နိုင်ကြောင်း၊ ဘင်ဝှိုက်အနေနဲ့ တချိန်မှာပြန်လည်ရွေးချယ် မယ်ဆိုရင် အဆင်သင့်ဖြစ်အောင် ပြင်ဆင်ထားသင့်ကြောင်း အာတီတာက ပြောပါတယ်။

အင်္ဂလန်နည်းပြ ဆောက်ဂိတ်ဟာ ဘင်ဝှိုက်ကို မရွေးချယ်ခဲ့ပေမယ့် မက်ဂွဲယား၊ တိုမောရီနဲ့ ဂူယီတို့ကို ရွေးချယ်ခဲ့ပါတယ်။

အာဆင်နယ် အသင်းက ဘရာဇီးကစားသမားတွေဖြစ်တဲ့ ဂျေဆု၊ မာတင်နယ်လီနဲ့ ဂါဘရီယယ်တို့ကိုလည်း ဘရာဇီးအသင်းက ရွေးချယ်ခြင်း မပြုတဲ့အပေါ်မှာ မှတ်ချက်မပေးလိုကြောင်း နည်းပြအာတီတာက ပြောသွားပါတယ်။