ရုရှားနိုင်ငံ၊ ရိုစ်တော့ဗ်ဒေသကနေ အသစ်ပြန်စုဆောင်းထားတဲ့ တပ်သားသစ်တွေ စစ်ရေးလေ့ကျင့်နေတာကို  ရုရှားကာကွယ်ရေးဝန်ကြီးဌာနရဲ့ စက်တင်ဘာ ၂၈ ရက်နေ့ ထုတ်ပြန်တဲ့ ဗွီဒီယိုဖိုင်ထဲမှာ တွေ့ရပါတယ်။

တပ်သားသစ်တွေ လက်နက်အသစ်တွေနဲ့အတူ စစ်မြေပြင်စစ်ဆင်ရေးအတွင်း အရှိန်အဟုန်နဲ့ စစ်ရေးလေ့ကျင့်နေတာပါ။

အရန်တပ်က ဆင့်ခေါ်ထားတဲ့ နိုင်ငံသားတွေဟာ စစ်ဆင်ရေးနဲ့ လက်နက်၊ စစ်ဘက်ဆိုင်ရာနဲ့ အထူးကိရိယာတွေကို ပြုပြင်ထိန်းသိမ်းရာမှာ ကျွမ်းကျင်မှုကို ရစေတယ်လို့ ကာကွယ်ရေးဝန်ကြီးဌာနက သူ့ရဲ့ တယ်လီဂရမ်ရုပ်သံလိုင်းမှာ ပြောပါတယ်။

ပစ်ခတ်မှုစွမ်းရည်တွေ တိုးမြှင့်ဖို့ တပ်မတော်သားတွေကို ပြင်ဆင်လေ့ကျင့်ထားတယ်လို့ ဝန်ကြီးဌာနက ပြောပါတယ်။

ရုရှားသမ္မတ ဗလာဒီမာပူတင်က ဒုတိယကမ္ဘာစစ်နောက်ပိုင်း ပထမဆုံးသော စစ်သားသစ် စုဆောင်းရေးကို ပြီးခဲ့တဲ့သီတင်းပတ်မှာ အမိန့်ပေးခဲ့တာပါ။

ယူကရိန်းမှာ တိုက်ပွဲဝင်ဖို့ နောက်ထပ် ထောင်နဲ့ချီတဲ့လူတွေ စေလွှတ်ခံရနိုင်တယ်လို့ မီဒီယာတွေက သုံးသပ်ထားပါတယ်။