မြောက်ကိုရီးယားက ပဲ့ထိန်းဒုံးကျည် ၃ စင်း ပစ်လွှတ်
မြောက်ကိုရီးယားဟာ နိုဝင်ဘာ ၂ ရက်နေ့ မနက်ပိုင်းက သူ့ရဲ့ အရှေ့ဘက်ကမ်းရိုးတန်း ပင်လယ်ထဲကို ပဲ့ထိန်းဒုံးကျည်သုံးစင်း ပစ်လွှတ်ခဲ့တယ်လို့ တောင်ကိုရီးယားစစ်တပ်က ပြောပါတယ်။
ဒုံးကျည်ပစ်လွှတ်ချိန်မှာ တောင်ကိုရီးယားနိုင်ငံ ဝေလွင်ကျွန်းမှာ လေကြောင်းတိုက်ခိုက်မှု သတိပေးချက် ထုတ်ပြန်ခဲ့တယ်လို့ တောင်ကိုရီးယား ပူးတွဲစစ်ဦးစီးချုပ်ရုံး (JCS) က ပြောပါတယ်။
အမေရိကန်နဲ့ တောင်ကိုရီးယားတို့ဟာ သူတို့ရဲ့ အကြီးဆုံး လေကြောင်းစစ်ရေးလေ့ကျင့်မှု တရပ်ကို အောက်တိုဘာ ၃၁ ရက်မှာ စတင်ခဲ့ပြီး နှစ်ဖက်စလုံးက ရာနဲ့ချီတဲ့ စစ်လေယာဉ်တွေ တရက်ကို ၂၄ နာရီနှုန်းနဲ့ တိုက်ခိုက် လေ့ကျင့်နေတဲ့ကာလမှာ မြောက်ကိုရီးယားက အခုလို ဒုံးကျည်ပစ်လွှတ်ခဲ့တာပါ။
အမေရိကန်နဲ့ တောင်ကိုရီးယားတို့ အကြီးအကျယ် စစ်ရေးလေ့ကျင့်နေတာကို ရပ်တန့်ဖို့ နိုဝင်ဘာ ၁ ရက်မှာ မြောက်ကိုရီးယားအစိုးရက တောင်းဆိုခဲ့ပြီး ဒါဟာ ရန်စတဲ့ လုပ်ရပ်ဖြစ်တယ်လို့လည်း တုံ့ပြန်လိုက်ပါတယ်။
