ကမ္ဘာ့ဖလားဆုနဲ့ ရွှေလက်အိပ်ဆု ပူပူနွေးနွေးရရှိထားတဲ့ အာဂျင်တီးနား ဂိုးသမား မာတီနက်ဇ်ဟာ ဘောလုံးလောကရဲ့မုန်းစရာအကောင်းဆုံးဂိုးသမားလို့  ဝေဖန်ခံနေရပါတယ်။

မာတီနက်ဇ်ဟာ အာဂျင်တီးအသင်းကို ကမ္ဘာ့ဖလားချန်ပီယံဖြစ်အောင် စွမ်းဆောင်နိုင်ခဲ့သူဖြစ်ပေမယ့် သူ့ရဲ့ မသင့်လျော်တဲ့အပြုအမှုတွေနဲ့ အောင်ပွဲခံပုံတွေက ပြင်သစ်အသင်း ပရိသတ်တွေရဲ့ မျက်မုန်းကျိုးခံနေရတာပါ။

အဲဒီထဲမှာ ၂၀၁၈ ကမ္ဘာ့ဖလားချန်ပီယံအသင်းသားတစ်ဦးဖြစ်တဲ့ ပြင်သစ်နောက်ခံလူ အဒဲလ်ရာမီကတော့ မာတီနက်ဇ်ဟာ ဘောလုံးလောကရဲ့ မုန်းစရာ အကောင်းဆုံးကစားသမား ဖြစ်တယ်လို့ ဝေဖန်ခဲ့တာပါ။

မာတီနက်ဇ်ဟာ အာဂျင်တီးနားအသင်းနဲ့ လှည့်လည်အောင်ပွဲခံရာမှာ ပြင်သစ်တိုက်စစ်မှူး အမ်ဘာပေရဲ့ ဦးခေါင်းရုပ် တပ်ဆင်ထားတဲ့ ကလေးအရုပ်ကို ပွေ့ချီပြီး အောင်ပွဲခံခဲ့ပါသေးတယ်။

အမ်ဘာပေနဲ့ တသင်းတည်းကစားနေတဲ့ အသင်းခေါင်းဆောင်မက်ဆီရဲ့ ရှေ့မှာ အဲဒီလို မလုပ်သင့်ကြောင်း အများစုက မှတ်ချက်ပေးခဲ့ကြပါတယ်။

မာတီနက်ဇ်ဟာ ကမ္ဘာ့ဖလားဆုပေးပွဲအခမ်းအနားတုန်းကလည်း ရွှေလက်အိတ်ဆုကို မသင့်တော်တဲ့ အပြုအမူလုပ်ပြခဲ့လို့ ဝေဖန်ခံခဲ့ရပါ တယ်။