အီတလီကလပ် ဆာလာနီတာနာအသင်းဟာ နည်းပြချုပ် ဒေးဗစ်နီကိုလာကို ထုတ်ပယ်လိုက်ပေမဲ့ နှစ်ရက်အကြာမှာ ပြန်လည်ခန့်အပ်ခဲ့ပါတယ်။

တနင်္ဂနွေနေ့က အတ္တလန္တာအသင်းနဲ့ စီးရီးအေပွဲစဉ်မှာ ၈ ဂိုး ၂ ဂိုးနဲ့ ရှုံးနိမ့်ခဲ့ပြီးနောက် နည်းပြ နီကိုလာကို ဆာလာနီတာနာအသင်းဥက္ကဋ္ဌက ထုတ်ပယ်ခဲ့တာပါ။

ဒါပေမဲ့ နည်းပြဖြစ်သူ ထွက်ခွာသွားချိန်မှာ သူ့အပေါ် ဘယ်လောက်သဘောကျသလဲ ဆိုတာကို သိရှိလာရတာကြောင့် အသင်း၊ ကစားသမားတွေနဲ့ အရာအားလုံးအတွက် ပြန်လည်ခေါ်ယူ ခန့်အပ်ခဲ့တာဖြစ်တယ်လို့ အသင်းဥက္ကဋ္ဌ ဒယ်နီလိုလာဗိုလီနိုက ပြောပါတယ်။

နည်းပြ နီကိုလာဘက်ကလည်း အရှက်ရစရာ ရှုံးပွဲတပွဲ ထပ်မကြုံစေရဘူးဆိုတဲ့ ကတိပေးမှုနဲ့အတူ နောက်တကြိမ် ထပ်ပြီး အခွင့်အရေးပေးခဲ့တာဖြစ်ကြောင်း အသင်းဘက်က သတင်းထုတ်ပြန်ခဲ့ပါတယ်။

ဆာလာနီတာနာအသင်းဟာ အီတလီစီးရီးအေ ၁၈ ပွဲကစားအပြီး အဆင့် ၁၆ နေရာမှာ ရပ်တည်နေကာ ရလဒ်ကောင်းတွေ ရယူနိုင်ဖို့ လိုအပ်နေပါတယ်။