ဂျာမန်ကလပ် လိုက်ဇစ်နဲ့ ချန်ပီယံလိဂ် ပထမအကျော့ပွဲစဉ်မှာ မန်စီးတီးကွင်းလယ်လူ ဒီဘရိုင်း လွဲချော်မယ်လို့ သိရပါတယ်။

ဒီဘရိုင်းနဲ့အတူ နောက်ခံလူ လာပေါ့သ်ဟာလည်း ဒဏ်ရာအခြေအနေကြောင့် ဂျာမနီကို ရောက်ရှိနေတဲ့ အသင်းလူစာရင်းမှာ လိုက်ပါလာခြင်း မရှိဘူးလို့ သိရပါတယ်။

လိုက်ဇစ်အသင်းဘက်ကလည်း အဓိကတိုက်စစ်ကစားသမား အမ်ကမ်ကူ ပါဝင်နိုင်ဖို့ မသေချာသေးဘူးလို့ ဆိုပါတယ်။

ပြင်သစ်တိုက်စစ်ကစားသမားဟာ ပြီးခဲ့တဲ့နှစ် နိုဝင်ဘာလက ခြေကျင်းဝတ်ဒဏ်ရာ ရခဲ့တာဖြစ်ပြီး အခုနှစ်ရာသီ ပြိုင်ပွဲစုံမှာ ၁၇ ဂိုးအထိ သွင်းယူထားပါတယ်။

မန်စီးတီးခံစစ်ပိုင်းမှာ ဂျွန်စတုန်းစ်လည်း ဒဏ်ရာရနေပြီး အကန်ဂျီ၊ အကီတို့ ပွဲထွက်လာဖို့ ရှိပါတယ်။