ကျူးဘားနိုင်ငံက ကာကွယ်ရေးတပ်ဖွဲ့ရဲ့ လေယာဉ်တွေ၊ ရဟတ်ယာဉ်တွေနဲ့ မီးသတ်သမားတွေဟာ ကျွန်းနိုင်ငံရဲ့ အရှေ့ဘက် တောအုပ်တစ်ခုမှာ ၇ ရက်ကြာ လောင်ကျွမ်းနေတဲ့ တောမီးကြီး ဖေဖော်ဝါရီ ၂၄ ရက်က အသည်းအသန် မီးငြှိမ်းသတ်နေကြပါတယ်။ 

ဖေဖော်ဝါရီ ၁၈ ရက်မှာ စတင် လောင်ကျွမ်းခဲ့တဲ့ တောမီးကြီးဟာ ဧရိယာ အများအပြားကို လောင်ကျွမ်းခဲ့ပြီး အိုလ်ဂင်းန်မြို့ရှိ  အရှေ့ဘက် ပင်နာရက်စ်ဒဲမာယာရီတောင်တွေပေါ်က သစ်တောစိုက်ခင်းတွေနဲ့ကော်ဖီသီးနှံခင်းတွေဆီကို ဆိုးရွားတဲ့ ပျက်စီးဆုံးရှုံးစေခဲ့ပါတယ်။ 

ပဏာမအစီရင်ခံချက်တွေအရ မီးတောက်တွေဟာ ဟက်တာ ၉ ရာလောက်ကို ဝါးမြိုသွားတယ်လို့ ဒေသခံရုပ်သံ သတင်းထောက် ယောဒနိစ် ရိုဒရီဂွက်ဇ် က ပြောပါတယ်။ 

လေပြင်းကြောင့်မီးက ပိုပြင်းထန်လာတယ်လို့ မီးလောင်မှုဒဏ်ကိုခံခဲ့ရတဲ့ ဒေသခံတယောက်က ပြောပါတယ်။  

ကျူးဘားနိုင်ငံမှာ ဇန်နဝါရီလအတွင်း တောမီးအကြိမ် ၈၀ မီးလောင်ခဲ့ကြောင်း Forest Ranger Corps သစ်တောထိန်းသိမ်းရေးအဖွဲ့အရ သိရပါတယ်။