မန်ယူနိုက်တက်အသင်းမှာ ခေါင်းဆောင်စိတ်ဓာတ်ရှိသူတွေ အများကြီးရှိကြောင်း နည်းပြတန်ဟတ်ဂ်က ပြောသွားပါတယ်။

တနင်္ဂနွေနေ့မှာ ကစားရမယ့် လီဗာပူးအသင်းနဲ့ ပွဲစဉ်မတိုင်ခင် ပွဲကြိုသတင်းစာရှင်းလင်းပွဲမှာ အသင်းရဲ့စိတ်ပိုင်းဆိုင်ရာနဲ့ ဦးဆောင်မှုစွမ်းရည်တွေကို နည်းပြတန်ဟတ်ဂ်ကထုတ်ဖော် ချီးကျူးခဲ့တာပါ။

အသင်းရဲ့ စိတ်ပိုင်းဆိုင်ရာနဲ့ ပတ်သက်လို့ အများကြီးတိုးတက်ကောင်းမွန်လာသလို ဦးဆောင်နိုင်စွမ်းရှိသူတွေလည်း အများကြီးရှိကြောင်း၊ အဲဒီလိုဦးဆောင်နိုင်သူတွေဟာ  စံနှုန်းအဆင့်အတန်းတွေကို လုပ်ဆောင်နိုင်သလို ထိန်းသိမ်းနိုင်စွမ်းလည်းရှိကြောင်း၊ လိုအပ်ရင် လည်း ပြုပြင်နိုင်စွမ်းရှိကြောင်း နည်းပြတန်ဟတ်ဂ်က ပြောပါတယ်။

လီဗာပူးအသင်းကို ပထမအကျော့က အနိုင်ယူခဲ့တာမှန်ပေမယ့် လာမယ့်ပွဲစဉ်ဟာ အရင်ကနဲ့ မတူဘဲ ကွဲပြားခြားနားတဲ့ ပွဲစဉ် ဖြစ်လာလိမ့်မယ်လို့ နည်းပြကလော့ပ်က ပြောသွားပါတယ်။